މިނިސްޓަރ އޮފް އެގްރިކަލްޗަރ އެންޑް އެނިމަލް ވެލްފެއަރ ޑރ. ޢާއިޝަތު ރަމީލާ އާއި މިނިސްޓްރީގެ އިސް ބޭފުޅުން، ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) ގެ މެނޭޖިންގ ޑިރެކްޓަރ އަލްފާޟިލް ޝިމާދު އިބްރާހިމާއި ބައްދަލުކުރައްވައިފިއެވެ.

މި ބައްދަލުކުރެއްވުމުގައި އެގްރޯނެޓާ ގުޅުންހުރި މަސައްކަތްތަކާއި، ދިވެހިރާއްޖޭގެ ކާބޯތަކެތީގެ ރައްކާތެރިކަން އިތުރަށް ހަރުދަނާކުރުމާ ބެހޭގޮތުން މަޝްވަރާކުރެވުނެވެ. މީގެ އިތުރުން، އުތުރު ތިލަފަޅުގައި ތަރައްޤީކުރުމަށް ނިންމަވާފައިވާ ދަނޑުވެރިކަމުގެ އިޤްތިޞާދީ ސަރަޙައްދުގެ މަޝްރޫޢުއާ ގުޅޭގޮތުންވެސް ދެފަރާތުން މަޝްވަރާކުރެއްވިއެވެ.