2024 ވަނަ ދިރާސީ އަހަރުގެ ފުރަތަމަ ޓާމުގެ ކިޔެވުން ނިންމުމަށް ފަހު ދަރިވަރުންގެ ޗުއްޓީ ފަށައިފިއެވެ.
މި ދިރާސީ އަހަރު ފަށާފައިވަނީ 96,000 އަށް ވުރެ ގިނަ ދަރިވަރުންނާއެކުގައެވެ. އޭގެ ތެރޭގައި 40,300 އެއްހާ އަންހެން ދަރިވަރުންނާ 42,700 އެއްހާ ފިރިހެން ދަރިވަރުން ހިމެނެއެވެ. ސަރުކާރުގެ 217 ސްކޫލެއްގައި 83,000 އެއްހާ ދަރިވަރުން ތަޢުލީމު ހާސިލުކުރިއިރު، އޭގެ ތެރެއިން 17,000 އެއްހާ ދަރިވަރުން ތަޢުލީމު ހާސިލުކުރީ މާލޭ ސަރަޙައްދުގެ ސްކޫލުތަކުގައެވެ.
މި އަހަރު ސަރުކާރު ސްކޫލުތަކުގައި 12،000 އެއްހާ މުދައްރިސުން މަސައްކަތް ކުރައްވަމުން ގެންދަވައެވެ. އޭގެ ތެރޭގައި ހިމެނެނީ 10،000 އަށް ވުރެ ގިނަ ދިވެހި މުދައްރިސުންނާއި 1900 އެއްހާ ބިދޭސީ މުދައްރިސުންނެވެ.
އެއް ހަފްތާގެ މި ޗުއްޓީއަށް ފަހު ދަރިވަރުންނާއި މުދައްރިސުން އެނބުރި ސްކޫލަށް ނުކުންނާނީ 6 އޮކްޓޫބަރު 2024 ގައެވެ.
