ރައީސް ޑރ.މުޙައްމަދު މުޢިއްޒު-- ފޮޓޯ: ރައީސް އޮފީސް
ޓޫރިޒަމް ދާއިރާއިން ލިބޭ އާމްދަނީގެ އިންސައްތައެއް ކައުންސިލްތަކުގެ ބަޖެޓަށް ޖަމާކުރަން ނިންމަވައިފިއެވެ.
ރާއްޖޭގެ ޓޫރިޒަމް ދާއިރާއިން ލިބޭ އާމްދަނީގެ އިންސައްތައެއް ކައުންސިލްތަކުގެ ބަޖެޓަށް ޖަމާކުރަން ނިންމެވި ނިންމެވުން ލަސްތަކެއް ނުވެ ތަންފީޒު ކުރަން ފަށާނެ ކަމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވިދާޅުވެއްޖެއެވެ.
ނާރެސް ޕޯޓަލް އާއި ކުރަނގި އެޕަރޭޝަންގެ ދެވަނަ ފިޔަވަހި އިފްތިތާޙުކުރުމަށް ރޭ ދަރުބާރުގޭގައި ބޭއްވި ރަސްމިއްޔާތެއްގައި ވާހަކަފުޅު ދައްކަވަމުން ރައީސް ޑރ.މުޙައްމަދު މުޢިއްޒު ވިދާޅުވީ، ރައްޔިތުންގެ ފަރާތުން ކައުންސިލްތަކުގައި އެދޭ ކަންކަން ކުރުމުގައި ކައުންސިލްތައް ބާރުވެރިކުރުމަކީ ސަރުކާރުގެ މުހިއްމު ސިޔާސަތަކަށްވާއިރު، ރައްޔިތުން ހޮވާފަ ތިބޭ ބަޔަކު ރައްޔިތުންނާއި އެންމެ ގާތުން މަސައްކަތްކުރުމުގެ ޒިންމާ އަދާކުރެވޭނީ ޚިދުމަތް ދިނުމަށް ބޭނުންވާ ބާރުވެރިކަން ސަރުކާރުން ދީގެންކަމަށެވެ.
ރައީސް ޑރ.މުޢިއްޒު ވިދާޅުވީ، އަދިވެސް ބައެއް ރަށްރަށުގެ ކައުންސިލްގެ އިހްތިޞާސް ތެރޭގައި ބައެއް ފަޅުތަކާއި ބައެއް ތަންތަން ހިމެނުމުގެ ފުރުސަތުވެސް ގާނޫނީ އިމުގެ ތެރެއިން ދެވެން އޮތް އެންމެ ފުޅާ މިނެއްގައި ދެމުންދާ ކަމަށެވެ.
