ރައީސް ޑރ.މުޙައްމަދު މުޢިއްޒު، "ނާރެސް" ޕޯޓަލް އިފްތިތާހްކޮށްދެއްވުން-- ފޮޓޯ: ރައީސް އޮފީސް
ކައުންސިލްތައް މެދުވެރިކޮށް އައިޑީ ކާޑު ހެއްދޭ "ނާރެސް" ޕޯޓަލް އިފްތިތާހްކޮށްފިއެވެ.
ދާޚިލީ ވުޒާރާއިން ހާމަކުރެއްވިގޮތުގައި، މިޕޯޓަލްގެ ބޭނުމަކީ ޑިޕާޓްމަންޓް އޮފް ނޭޝަނަލް ރަޖިސްޓްރޭޝަން (ޑީއެންއާރު) އާއި ކައުންސިލްތަކާ އެއް ވިއުގައަކުން ގުޅުވާލުމެވެ. މި ޕޯޓަލް މެދުވެރިކޮށް ކައުންސިލްތަކަށް އައިޑީކާޑްގެ ސްޓޭޓަސް ބެލުމާއި މާލެއެކޭ އެއްފަދައިން އައިޑީ ކާޑް ދޫކުރުން އަދި އެޕްލިކޭޝަންތައް ބަލައިގަތުމަށް ފުރުޞަތު ލިބިގެންދާނެކަމަށް އެ ވުޒާރާއިން ބުނެއެވެ.
"ނާރެސް" ޕޯޓަލް އިފްތިތާހްކޮށްދެއްވީ އެކަމަށްޓަކައި ދަރުބާރުގޭގައި ރޭ ބޭއްވި ރަސްމިއްޔާތެއްގައި ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުއެވެ.
މިކަން އިފްތިތާހް ކުރެވުމާއެކު ރާއްޖޭގެ ހުރިހާ ކައުންސިލްތަކަކަށް 10 އިނގިލީގެ ނިޝާން އެއްފަހަރާ ނަގާ ފިންގާ ޕްރިންޓް ޑިވައިސްތަކެއްވެސް ހަވާލުކުރެވިގެންދާނެއެވެ. އެޒުވާރާއިން ހާމަކުރެއްވި ގޮތުގައި އޭގެ ސަބަބުން ބިދޭސީ މަސައްކަތްތެރިންގެ މައުލޫމާތު އެއްކުރުމަށް ފަށާފައިވާ ކުރަނގި އޮޕަރޭޝަން ވެސް ރަށްރަށުގައި ހިންގުމަށް ފަސޭހަވެގެންދާނެ ކަން އެ ވުޒާރާއިން ފާހަގަކުރިއެވެ.
ފުރަތަމަ ފަހަރަށް އޮންލައިކޮށް އައިޑީ ކާޑު ހެދުމުގެ މަސައްކަތް ރާއްޖޭގައި ފަށާފައިވަނީ 2021 ވަނަ އަހަރުގައެވެ
