މަހުޖަނުންގެ ޕްރައިވެޓް ޖެޓްތަށް --- ފޮޓޯ: އެމްއޭސީއެލް

މަހުޖަނުންގެ ޖެޓުތަކުން ވެލާނާ އިންޓަނޭޝަނަލް އެއާޕޯޓް ފުރިފައި

އަލީ ޝާހީން
30 Dec 2024
ހަބަރު

ފިނި މޫސުމުގެ މި ދުވަސްވަރު، ގިނަ އަދަދެއްގެ ފަތުރުވެރިން ރާއްޖެ އަންނަނީ އަހަރު ފާހަގަކުރުމަށާއި، ކްރިސްމަސް ފާހަގަކުރުމަށެވެ. ޚާއްސަކޮށް ބޭރުގެ މަހުޖަނުން ވެސް ރާއްޖެއަށް ގިނަ އަދަދަކަށް އަމިއްލަ ޖެޓުތަކުގައި އާދެއެވެ.

ކޮންމެ ފަހަރަކު ވެސް އާ އަހަރު ފެށެންވާ އިރަށް ޖެޓުގެ ޢަދަދު އިތުރުވެ އެވެ. މިހާރު ވެސް 30 އަށްވުރެ ގިނަ ޖެޓް ވެލާނާ އެއާޕޯޓުގައި ޕާކުކޮށްފައިވާ ކަމަށް އެ ކުންފުނިން ވިދާޅުވިއެވެ.

އެމްއޭސީއެލްގެ އޮފިޝަލަކު "އެމްއެމްޓީވީ" އަށް މައުލޫމާތު ދެއްވަމުން ވިދާޅުވީ މިދިޔަ އަހަރުގެ ޑިސެމްބަރު މަހުގެ 28 ވަނަ ދުވަހުގެ ނިޔަލަށް ޖުމްލަ 137 ޖެޓު މޫވްމަންޓް ރިކޯޑް ކުރެވިފައިވާ ކަމަށެވެ. އެކަމަކު މި އަހަރުގެ ޑިސެމްބަރު މަހުގެ މިހާތަނަށް 148 ޖެޓު މޫވްމަންޓް ރިކޯޑް ކުރެވިފައިވާ ކަމަށް އޮފިޝަލް ވިދާޅުވި އެވެ. އޭނާ ވިދާޅުވީ، މިއީ ބޮޑު ކުރިއެރުމެއްކަމަށާއި، އެއީ 8 ޕަސެންޓުގެ އިތުރުވުމެއް ކަމަށް އޭނާ ވިދާޅުވިއެވެ.

މަހުޖަނުންގެ ޕްރައިވެޓް ޖެޓްތަށް --- ފޮޓޯ: އެމްއޭސީއެލް

މީގެ އިތުރުން ކޮންމެ އަހަރެއްގެ މި ދުވަސްވަރު ޖެޓު އަންނަ މިންވަރު އިތުރުވާތީ، އެއާޕޯޓުގެ ތިން ސަރަހައްދެއްގައި ޖެޓު ޕާކުކުރެވޭނެ އިންތިޒާމު ހަމަޖައްސައިފައިވާ ކަމަށް އޮފިޝަލް ވިދާޅުވިއެވެ. އެގޮތުން އެއާޕޯޓުގެ އުތުރާއި، އިރު، އަދި ދެކުނުން ޖުމްލަ 68 ޖާގަ ޖެޓު ޕާކިންއަށް ޚާއްސަކޮށްފައިވެއެވެ.

އޮފިޝަލް އިތުރަށް މައުލޫމާތު ދެއްވި ގޮތުގައި މިދިޔަ އަހަރު، ޑިސެމްބަރު 28 ވަނަ ދުވަހުގެ ނިޔަލަށް ރެކޯޑުކުރެވިފައި ވަނީ 2،107 މޫވްމަންޓެވެ. ނަމަވެސް މި އަހަރު، މިހާތަނަށް 2،326 ޖެޓު މޫވްމަންޓު ރެކޯޑުކުރެވިފައިވާއިރު މިއީ 10 ޕަސެންޓް އިތުރުވުމެއް ކަމަށް އޭނާ ވިދާޅުވިއެވެ. އަދި އެއީ މިދިޔަ އަހަރާއި މި އަހަރުގެ މިހާތަނަށް އަޅާބަލާއިރު 10 ޕަސެންޓްގެ އިތުރުވުމެއް ކަމަށް އޮފިޝަލް ވިދާޅުވި އެވެ.

މަހުޖަނުންގެ ޕްރައިވެޓް ޖެޓްތަށް --- ފޮޓޯ: އެމްއޭސީއެލް

އާ އަހަރާ ދިމާކޮށް ވެލާނާ އިންޓަނޭޝަނަލް އެއާޕޯޓުގެ އޮޕަރޭޝަންތަކަށް ބަަދަލު ގެނެސް، ފަސިންޖަރުންނަަށް ޚިދުމަތް ދިނުމަށް ވަނީ އިތުރު މުވައްޒަފުން ނެރެފައެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު