ރާއްޖޭގެ ޤައުމީ އެއާލައިން މޯލްޑިވިއަނުން ހާއްސަ އެއާޝޯއެއް ބާއްވަން ނިންމައިފިއެެވެ.
މޯލްޑިވިއަން އެއާލައިން އިން ހާމަކުރެއްވި ގޮތުގައި އެއާބަސް އޭ-330 އަށް މަރުހަބާ ކިޔައި އެ ކާމިޔާބީގައި ބައިވެރިވުމަށް އަންނަ ހޯމަ ދުވަހު މާލެ އާއި ހުޅުމާލޭގައި އެއާ ޝޯއެއް ބާއްވަން ތައްޔާރުވަމުން އަންނަ ކަމަށެވެ.
އެއާޝޯ ބޭއްވުމަށް ހަމަޖެހިފައިވަނީ ޖަނުއަރީ 6 ވާ ހޯމަ ދުވަހުއެވެ. ޝޯ ކުރިއަށްދާނީ 17:00 އިން 17:30 ގެ ނިޔަލަށެވެ. މޯލްޑިވިއަނުން ބުނީ މި ޝޯ މާލޭގެ އުސްފަސްގަނޑާއި ހުޅުމާލެ ފޭސް އެކެއް އަދި ދޭއްގެ އިރުމަތީ ފަރާތު އަތިރިމަތީ ސަރަހައްދުން ފެންނާނޭކަމަށެވެ. މޯލްޑިވިއަނުން ބާއްވާ މި އެއާޝޯގައި އެ އެއާލައިނުގެ ފްލީޓުތަކުގައި ބޭނުންކުރާ ބޯޓުތައް ދައްކާލުމަށް ވަނީ ހަމަޖެހިފައެވެ.
މި ސަރުކާރަށް އެއް އަހަރު ފުރުން ފާހަގަކުރަން ސޯޝަލް ސެންޓަރުގައި މިދިޔަ މަހު ބޭއްވި ރަސްމިއްޔާތުގައި ރައީސް ޑރ. މުހައްމަދު މުއިއްޒު ވަނީ އަންނަ މަހު ފުރަތަމަ ވައިޑް ބޮޑީ އެއާކްރާފްޓު ގެނެސް އުދުހެން ފަށާނެ ކަމަށް އިއުލާންކުރައްވައިފަ އެވެ.
