އާ އަހަރުގައި އަޅުގަނޑުމެންގެ ފަރުދީ ޢަޒުމަކަށް ވާންވީ، ކަންކަމާ މެދު ހެޔޮ ރަނގަޅު ވިސްނުން ކުރިޔަށް ނެރުންކަމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

ރައީސުލްޖުމްހޫރިއްޔާ މިހެން ވިދާޅުވީ މީލާދީ އާ އަހަރުގެ މުނާސަބަތުގައި ފޮނުއްވި ޚިތާބުގައެވެ.

ރައީސުލް ޖުމްހޫރިއްޔާ ޑރ މުޙައްމަދު މުޢިއްޒު ވިދާޅުވީ، ފަރުދީ ޢަޒުމަކަށް ވާންވީ، ކަންކަމާ މެދު ހެޔޮ ރަނގަޅު ވިސްނުން ކުރިޔަށް ނެރުން ކަމަށާއި ޞުލްޙަ މަޞްލަޙަތު އިސްކުރުން ކަމަށެވެ.

ރައީސުލްޖުމްހޫރިއްޔާގެ ވިދާޅުވީ މި ވަގުތަކީ އާ އަހަރެއްގެ އަލިވިލުން ދުނިޔެ ދެކެމުންދާ ވަގުތުކަމަށެވެ. އަދި މާތް ﷲގެ ވާގިފުޅާއެކު މި އުފާވެރި ވަގުތާ ދިވެހިރާއްޖެ މި ބައްދަލުކުރަނީ އުންމީދުގެ ދަންމަރުތަކާއި ތަރައްޤީގެ ތަޞައްވުރުތަކާއި ދިވެހި އިސްލާމީ އަޚްވަންތަކަމާއެކުކަމަށް ރައީސުލްޖުމްހޫރިއްޔާ ވިދާޅުވިއެވެ.