ވެރިކަމާ ހަވާލުވިއިރު ރާއްޖޭގެ ހުރިހާ ކަމެއް ހުރީ ފާލުން ނެއްޓިފައި: އަބްދުއްރަހީމް އަބްދުﷲ

އަލީ ޝާހީން
02 Jan 2025
ހަބަރު

ވެރިކަމާ ހަވާލުވެވަޑައިގެންނެވިއިރު ރާއްޖޭގައި ހުރިހާ ކަމެއް ވެސް އޮތީ ފާލުން ނެއްޓިފައި ކަމަށާއި ރައީސް ޑޮކްޓަރ މުޙައްމަދު މުޢިއްޒު ވެރިކަމާ ހަވާލުވެވަޑައިގެންނެވިއިރު ރާއްޖޭގެ މާލީ ހާލަތު އޮތީ ވަރަށް ދަށު ދަރަޖައެއްގައި ކަމަށް، ރައްޔިތުންގެ މަޖިލީހުގެ ރައީސް ޢަބްދުއްރަޙީމް ޢަބްދުﷲ ވިދާޅުވެއްޖެއެވެ.

ދައުލަތުގެ މީޑިއާ ޕީއެސްއެމުން ގެނެސްދިން "ރާއްޖެ މިއަދު" ޕްރޮގްރާމުގައި ވާހަކަފުޅު ދައްކަވަމުން އަބްދުއްރަހީމް ވިދާޅުވީ މި ސަރުކާރު ވެރިކަމާހަވާލުވި އިރު ހަމަޖެހުމާއި އިޖުތިމާޢީ ޢަދާލަތާއި އިންސާފު ޤާއިމްކުރުމުގެ ނިޒާމުތައް ވެސް އޮތީ ފެއިލްވެފައި ކަމަށެވެ.

ހުރިހާ ކަމެއް އޮތީ ހަމައިން ނެއްޓިފައި ފާލުން ނެއްޓިފައި، އެއީ ރާއްޖޭގެ ދަރަނި ކަމަަށް ވިޔަސް އެއީ މާލިއްޔަތުގައި ހުރި ފައިސާ ކަމަށް ވިޔަސް އަދި އެއީ މަގުމަތީގެ ހަމަޖެހުމަށް ބެލިކަމަށް ވިޔަސް އިޖްތިމާއީ އަދާލަތުކަމަށް ވިޔަސް އަދުލު އިންސާފު ގާއިމް ކުރުން ކަމަށް ވިޔަސް، ކޮންމެ ދާއިރާ އަކުން ބެލިޔަސް ރާއްޖެ އޮތީ ރައީސް ޑރ މުޢިއްޒު ހަވާލުވެވަޑާއިގެންނެވިއިރު ވަރަށް ބޮޑު ތަނުން ފެއިލް ވެފައި.

ޢަބްދުއްރަޙީމް ޢަބްދުﷲ ވިދާޅުވިއެވެ.  

ވެރިކަންކުރާ ޕީޕަލްސް ނެޝަނަލް ކޮންގްރެސް، ޕީއެންސީގެ ޗެއަރޕާސަންކަމުގެ މަޤާމު ވެސް އަދާކުރައްވާ އަބްދުއްރަހީމް ވިދާޅުވީ، މި ދަތި ހާލަތުގައި ވެސް ރައީސް މުޢިއްޒުގެ ސަރުކާރުން އެއް އަހަރު ދުވަހުގެ ތެރޭގައި މުހިންމު ކާމިޔާބީތަކެއް ހޯއްދާފައިވާ ކަމަށެވެ. އެގޮތުން އިޤްތިޞާދު ފުޅާކުރުމަށް ޑިވެލޮޕްމަންޓް ބޭންކެއް އުފެއްދުމުގެ އިތުރުން ޗައިނާ އާއި ރާއްޖެއާ ދެމެދު މިނިވަން ވިޔަފާރީގެ އެއްބަސްވުމެއްގައި ސޮއިކުރުމާއި މިހާތަނަށް ރާއްޖެއަށް ނާންނަ މިންވަރަށް ދެ މިލިއަން ފަތުރުވެރިން ޒިޔާރަތްކުރުން ފަދަ ބޮޑެތި ކާމިޔާބީތައް ހޯއްދެވި ކަން އަބްދުއްރަހީމު ވަނީ ފާހަގަކުރައްވާފައެވެ.

އަބްދުއްރަހީމް ވިދާޅުވި ގޮތުގައި މި އަހަރަށް ފާސްކޮށްފައި އޮތް 56.6 ބިލިއަން ރުފިޔާގެ ބަޖެޓުން، މަޝްރޫއުތައް ހިންގަން ދައްޗެއް ނުވާނެއެވެ. އެ މަނިކުފާނު ވިދާޅުވި ގޮތުގައި މި އަހަރު ވާނީ އެންމެ ގިނަ މަޝްރޫއު ހިންގާނޭ އަހަރަށެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު