ދިވެހި ފުލުހުންގެ ޚިދުމަތުން މި މަހުގެ 6 ވަނަ ދުވަހު ހިންގި އޮޕަރޭޝަނެއްގައި ކުޑަކުދިންތަކަކާއެކު މަސްތުވާތަކެތީގެ ހާލަތުގައި ތިބި ހަތަރު މީހަކު ހައްޔަރުކޮށްފިއެވެ.

މި މައްސަލަާގައި ހައްޔަރުކޮށްފައިވަނީ މާލެ ސިޓީ މ.އެތޫމާ، އަލީ އަޝްރަފް (35އ) އާއި ޕެރިސް، ގދ. ވާދޫ ލުހާން ސައީދު (41އ) އާއި ސިލްވަރ ސްޓާ، ވ.ރަކީދޫ ނާފިއު ރަޝީދު (39އ) އަދި މާލެ ސިޓީ ހ.ފިނިކުރީގެ އިބްރާހިމް ޝިނާން އަހުމަދު (33އ) އެވެ.

މަސްތުވާތަކެތި ބޭނުންކުރުމުގެ އިތުރަށް ފުލުހުން ވަނީ ނަހަމަ ގޮތުގައި ކުޑަކުދިން ބޭނުންކުރުމުގެ ތުހުމަތު ވެސް މި މީހުންގެ މައްޗަށް ކޮށްފައެވެ. 

މި މީހުން ހައްޔަރުކޮށްފައިވަނީ ހެންވޭރުގެ އެޕާޓްމަންޓެއް ބަލައި ފާސްކުރިއިރު، މަސްތުވާތަކެތި ހުރިކަމަށް ޝައްކުކުރެވޭ ޕެކެޓްތަކަކާއި އެކުގައެވެ. އަދި ޝައްކު ކުރެވޭ މީހުންގެ ކުޑަކަމުދާތަކެތީގެ އިބްތިދާއީ ޓެސްޓުތަކުން މަސްތުވާތަކެތި ބޭނުން ކުރިކަމަށް ޕޮޒިޓިވްވެފައިވާކަމަށް ފުލުހުން ބުނެފައިވެއެވެ.