އެމްޑިޕީގެ އެއްވުމުގައި ބަންދަށްގެންދިޔަ ހަ މީހުން...

ސަރުކާރާ ދެކޮޅަށް އެމްޑީޕީން ކުރަމުންދާ ހަޅުތާލު އަންނަނީ މޮނިޓަރ ކުރަމުން: ދިވެހި ފުލުހުން

އައިމިނަތު
07 Oct 2025
ހަބަރު

ސަރުކާރާ ދެކޮޅަށް އިނދިކޮޅު ޕާޓީ އެމްޑީޕީން މިދިޔަ ހުކުރު ދުވަހު މާލޭގައި ބޭއްވި މުޒާހަރާގައި ބަންދަށް ގެންގޮސްފައިވާ މީހުން ކުރަމުން އަންނަ ބަނޑުހައި ހޫނުކަމުގެ ހަޅުތާލު މޮނިޓަރކުރަމުންދާ ކަމަށް ދިވެހި ފުލުހުންގެ ޚިދުމަތުން ބުނެފިއެވެ.

މިރޭ އެކްސްއަށް ކުރި ޕޯސްޓެއްގައި ފުލުހުން ބުނީ ބަންދުގައި ތިބި މީހުން ބަނޑުހައި ހޫނުކަމުގެ ހަޅުތާލު ކުރަމުންދާތީ، ޕްރޮފެޝަނަލް ސްޓޭންޑަރޑްސް ކޮމާންޑުން ދަނީ އެކަންތައް މޮނިޓަރކުރަމުން ކަމަށެވެ. އަދި މިކަމުގެ މަޢުލޫމާތު ނޭޝަނަލް އިންޓަގްރިޓީ ކޮމިޝަނާއި ހިއުމަން ރައިޓްސް ކޮމިޝަނާ ހިއްސާކޮށްފައިވާ ކަމަށް ވެސް ބުނެފައިވެއެވެ.

މިކަމާއި ގުޅިގެން އެމްޑީޕީގެ ޗެއަރޕާސަން އެކްސްގައި ކުރި ޕޯސްޓެއްގައި ބުނެފައިވަނީ؛

"އޮކްޓޯބަރު 3 ގައި ބަންދުކޮށްފައިވާ މީހުން މިހާރު ބަނޑުހައިހޫނުކަމުގެ ހަޅުތާލު ކުރަމުންދާއިރު، އެމީހުންނަށް އެކަށީގެންވާ ބޭސްފަރުވާއެއް ނުލިބި، ތަހުގީގު ލަސްތަކެއް ވަނީ ކުރިމަތިވެފަ. އެމީހުންނަށް ދުސްތޫރީ ހައްގުތައް ދިނުމަށް ކަމާބެހޭ ފަރާތްތަކަށް ގޮވާލަން."

ފައްޔާޒް އިސްމާޢީލް، އެމްޑީޕީގެ ޗެއަރޕާސަން.

މި އެއްވުމުގައި ޖުމްލަ އަށް މީހަކު ހައްޔަރުކޮށްފައިވާ އިރު ބަންދަށް ގެންގޮސްފައިވަނީ ހަ މީހުންނެވެ. އެއީ ދާންދޫ ދާއިރާގެ ކުރީގެ މަޖިލިސް މެންބަރު ޔައުގޫބު އަބްދުالله އާއި ކުޅުދުއްފުށި އުތުރު ދާއިރާގެ ކުރީގެ މަޖިލިސް މެންބަރު ޔާސިރު އަބްދުއްލަތީފް އާއި މާފުށީ ކައުންސިލް ރައީސް ހަސަން ސޮލާހް އާއި އެމްޑީޕީގެ ނިމިދިޔަ ދައުރުގައި ރައީސް އޮފީހުގެ ސީނިއާ އެޑްމިނިސްޓްރޭޓިވް އެސިސްޓެންޓް އަލީ ޖުމާންގެ އިތުރުން ޙަސަން ޝާކިރު އާއި އަޒީމް އަލީ އެވެ.

މި މީހުންގެ ބަނދަށް ވަނީ 15 ދުވަހުގެ މުއްދަތެއް ޖަހާފައެވެ.

ކޮމެންޓް
އިތުރު ލިއުން
ސްރީލަންކާއަށް އެހީގެ ގޮތުގައި 50،000 އެމެރިކާ ޑޮލަރު އަދި މަސްދަޅުގެ 25،000 ކޭސް ހަދިޔާކުރަނީ
ސްރީލަންކާއަށް މިހާރު ކުރަމުންދާ ވިއްސާރައާ ގުޅިގެން، އެ ޤައުމަށް ފައިސާގެ އެހީގެ ގޮތުގައި 50،000 އެމެރިކާ ޑޮލަރު އަދި މަސްދަޅުގެ 25،000 ކޭސް ހަދިޔާ ކުރަން ދިވެހި ސަރުކާރުން ނިންމައިފިއެވެ.
29 Nov 2025
ހަބަރު
ޓެކްނޮލޮޖީގެ ތެރެއިން އަންހެނުން ބާރުވެރިކުރުވުމަށް މަސައްކަތްކުރަން ޖެހޭ: ރައީސް
އަލަށް އުފެދި ކުރިއަރަމުން އަންނަ ޓެކްނޮލޮޖީގެ ތެރެއިން އަންހެނުންނާއި އަންހެން ކުދިން ބާރުވެރިކުރުވުމަށް މަސައްކަތް ކުރަން ޖެހޭކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
25 Nov 2025
ހަބަރު
ބައިނަލްއަގުވާމީ ގުޅުންތައް ބަދަހިކުރެއްވުމަށް ކޮމިޝަނަރ އޮފް ޕޮލިސް އިސްމާޢީލް ނަވީން ގޮވާލައްވައިފި
އިންޓަޕޯލްގެ 93 ވަނަ އާންމު މަޖިލީހުގައި ބައިވެރިވެލައްވައި، ބައިނަލް އަގްވާމީ ގުޅުންތައް ބަދަހިކުރެއްވުމަށް ކޮމިޝަނަރ އޮފް ޕޮލިސް އިސްމާޢީލް ނަވީން ގޮވާލައްވައިފިއެވެ.
24 Nov 2025
ހަބަރު
މައިން ގޭގައި ކުރާ މަސައްކަތްތަކުން ދަރިން އެކަމަށް ޝައުޤުވެރިކަން އުފެދި، އެ ދާއިރާއަކުން ހުނަރުވެރި ބަޔަކަށް ވުމުގެ ފުރުޞަތު ލިބޭ: މެޑަމް ސާޖިދާ
ގޭތެރޭގައި މަންމަ ކުރަމުން އަންނަ މަސައްކަތެއްގެ ތެރެއިން ދަރިންގެ ކިބައިގައި އެކަމުގެ އާދައާއި ޝައުޤު އިތުރުވެ، ގުޅުންހުރި ދާއިރާއަކުން ހުނަރުވެރިޔަކަށް ވުމުގެ ފުރުޞަތު ފަހިވެގެންދާ ކަމުގައި ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު ވިދާޅުވެއްޖެއެވެ.
24 Nov 2025
ހަބަރު