ރައީސް ޑރ. މުޙައްމަދު މުޢިއްޒު ކުނބުރުދޫއަށް ކުރެއްވި ދަތުރުފުޅުގެ ތެރެއިން / ފޮޓޯ: ރައީސް އޮފީސް

ކުނބުރުދޫގައި ބޯހިޔާވަހިކަމުގެ ބޮޑު މަޝްރޫއެއް

އައިމިނަތު
08 Oct 2025
ހަބަރު

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އަންނަ އަހަރު އދ އަތޮޅު ކުނބުރުދޫގައި ބޯހިޔާވަހިކަމުގެ ބޮޑު މަޝްރޫއެއް ހިންގާނެ ކަމަށް އިއުލާން ކުރައްވައިފިއެވެ.

އދ އަތޮޅަށް ކުރައްވަމުންގެންދަވާ ދަތުރުފުޅުގެ ތެރެއިން ކުނބުރުދޫގެ ރައްޔިތުންނާއެކު ބޭއްވި ކޮމިއުނިޓީ ބައްދަލުވުމުގައި ވާހަކަފުޅު ދައްކަވަމުން ރައީސް މުޢިއްޒު ވަނީ ރާއްޖޭގެ ކުރިއެރުމަށް މުހިންމު މަޝްރޫއުތަކާއި އަލަށް ފެށުމަށް ސޮއިކުރާ މަޝްރޫއުތަކަށް ޚާއްސަ ސަމާލުކަމެއް ދެއްވާނެ ކަމަށް ވިދާޅުވެފައެވެ.

ރައީސުލްޖުމްހޫރިއްޔާގެ ވާހަކަފުޅުގައި، މިހާރު ހިނގަމުންދާ ތަރައްޤީގެ މަސައްކަތްތަކުގެ މުހިންމުކަމަށް އަލިއަޅުއްވާލައްވާފައިވެއެވެ.

"އިރާދަކުރެއްވިއްޔާ މި މަޝްރޫއުތައް ހިންގަނީ ރަށަށް ކުރިއެރުންތަކެއް ގެނައުމަށް. އަޅުގަނޑުމެންގެ ސިޔާސަތަކީ އާބާދީ ކުޑަ ނަމަވެސް ތަފާތުކުރުމެއް ނެތި ކަންކަން ކުރުން،"

ރައީސް ޑރ. މުޙައްމަދު މުޢިއްޒު

ރައީސް ފާހަގަކުރެއްވި ގޮތުގައި ގާތްގަނޑަކަށް ފަސް ހެކްޓަރުގެ ސަރަހައްދެއްގައި 600 އަށް ވުރެ މަދު މީހުންގެ އާބާދީއެއް އޮންނަ، އަތޮޅުގެ އެންމެ ކުޑަ ރަށް، ކުނބުރޫދޫއަށް ޕްލޭންކޮށްފައިވާ ބިން ހިއްކުމާއި ބަނދަރު ތަރައްޤީ ކުރުމުގެ މަސައްކަތުން ރަށަށް ގިނަ ފައިދާތަކެއް ކުރާނެކަމަށެވެ.

ބޯހިޔާވަހިކަމުގެ މަޝްރޫއާ ބެހޭ ގޮތުން ރައީސް ތަފްޞީލު ދެއްވަމުން ވިދާޅުވީ، ރާވާފައިވާ ބިން ހިއްކުމުގެ މަސައްކަތް ނިމުމުގެ ކުރިންވެސް، ލިބެންހުރި ބިންތައް ވަޒަންކުރުމަށްފަހު، އަންނަ އަހަރުގެ ބަޖެޓުގައި މި މަޝްރޫޢު ހިމަނާނެ ކަމަށެވެ.

"ބިން ހިއްކުމުގެ ކުރިން ވެސް އަޅުގަނޑުމެން މި ރަށުގައި މިހާރު ހުރި ބިމުން ލިބޭ ޖާގައަށް ބަލައި، މި ރަށުގައި ވެސް ބޯހިޔާވަހިކަމުގެ މަޝްރޫއަކަށް އަންނަ އަހަރުގެ ބަޖެޓުގައި ހިމަނާނަން،" 

ރައީސް ޑރ. މުޙައްމަދު މުޢިއްޒު

މި ބައްދަލުވުމުގައި ކުނބުރުދޫ ބިން ހިއްކުމާއި ބަނދަރު ތަރައްގީކުރުމުގެ މަޝްރޫއުގެ އިތުރުން ސްކޫލް މަޝްރޫއުގެ އެއްބަސްވުންތަކުގައި ސޮއިކޮށްފައިވާއިރު، މި ދެ މަޝްރޫއު ވެސް ހަވާލުކޮށްފައިވަނީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ ލިމިޓެޑް (އެމްޓީސީސީ) އަށެވެ.

ބޯހިޔާވަހިކަމާއި މައިގަނޑު އިންފްރާސްޓްރަކްޗަރުގެ އިތުރުން އާ ފުޓްބޯޅަ ދަނޑަކާއި މަލްޓިޕާޕަސް ކޯޓެއް ރައީސް އިފްތިތާހު ކުރެއްވީ، މި ވަސީލަތްތަކުގެ ސަބަބުން ރަށުގެ ކުޅިވަރަށް ލޯބިކުރާ ޒުވާން ފަރާތްތަކަށް ބޮޑެތި ފުރުސަތުތަކެއް ލިބިގެންދާނެ ކަމަށް ފާހަގަކުރައްވަމުންނެވެ.

ކުނބުރުދޫގައި ޤާއިމް ކުރެވުނު މަލްޓި ޕާޕަސް ކޯޓު ހުޅުއްވައިދެއްވަނީ / ފޮޓޯ: ރައީސް އޮފީސް

މި ދަތުރުފުޅުގައި، އެ ރަށު ސިއްޙީ މަރުކަޒުގެ އާ އެކްސްޓެންޝަން އިމާރާތުގެ ބިންގާ އެޅުމުގެ ކުރިން، އޭޓީއެމްގެ ޚިދުމަތް ރަސްމީކޮށް އިފްތިތާހުކޮށްދެއްވިއެވެ.

ރައީސް މުޢިއްޒު ވަނީ ރަސްމީކޮށް އެ އަތޮޅުގައި ހުންނަ 'ފޮފަޅަގައު' ކުނބުރުދޫ ކައުންސިލާ ހަވާލުކުރައްވާ އެއީ އެރަށުގެ ބައެއްގެ ގޮތުގައި ނިންމަވާފައެވެ.

ކޮމެންޓް
އިތުރު ލިއުން
ސްރީލަންކާއަށް އެހީގެ ގޮތުގައި 50،000 އެމެރިކާ ޑޮލަރު އަދި މަސްދަޅުގެ 25،000 ކޭސް ހަދިޔާކުރަނީ
ސްރީލަންކާއަށް މިހާރު ކުރަމުންދާ ވިއްސާރައާ ގުޅިގެން، އެ ޤައުމަށް ފައިސާގެ އެހީގެ ގޮތުގައި 50،000 އެމެރިކާ ޑޮލަރު އަދި މަސްދަޅުގެ 25،000 ކޭސް ހަދިޔާ ކުރަން ދިވެހި ސަރުކާރުން ނިންމައިފިއެވެ.
29 Nov 2025
ހަބަރު
ޓެކްނޮލޮޖީގެ ތެރެއިން އަންހެނުން ބާރުވެރިކުރުވުމަށް މަސައްކަތްކުރަން ޖެހޭ: ރައީސް
އަލަށް އުފެދި ކުރިއަރަމުން އަންނަ ޓެކްނޮލޮޖީގެ ތެރެއިން އަންހެނުންނާއި އަންހެން ކުދިން ބާރުވެރިކުރުވުމަށް މަސައްކަތް ކުރަން ޖެހޭކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
25 Nov 2025
ހަބަރު
ބައިނަލްއަގުވާމީ ގުޅުންތައް ބަދަހިކުރެއްވުމަށް ކޮމިޝަނަރ އޮފް ޕޮލިސް އިސްމާޢީލް ނަވީން ގޮވާލައްވައިފި
އިންޓަޕޯލްގެ 93 ވަނަ އާންމު މަޖިލީހުގައި ބައިވެރިވެލައްވައި، ބައިނަލް އަގްވާމީ ގުޅުންތައް ބަދަހިކުރެއްވުމަށް ކޮމިޝަނަރ އޮފް ޕޮލިސް އިސްމާޢީލް ނަވީން ގޮވާލައްވައިފިއެވެ.
24 Nov 2025
ހަބަރު
މައިން ގޭގައި ކުރާ މަސައްކަތްތަކުން ދަރިން އެކަމަށް ޝައުޤުވެރިކަން އުފެދި، އެ ދާއިރާއަކުން ހުނަރުވެރި ބަޔަކަށް ވުމުގެ ފުރުޞަތު ލިބޭ: މެޑަމް ސާޖިދާ
ގޭތެރޭގައި މަންމަ ކުރަމުން އަންނަ މަސައްކަތެއްގެ ތެރެއިން ދަރިންގެ ކިބައިގައި އެކަމުގެ އާދައާއި ޝައުޤު އިތުރުވެ، ގުޅުންހުރި ދާއިރާއަކުން ހުނަރުވެރިޔަކަށް ވުމުގެ ފުރުޞަތު ފަހިވެގެންދާ ކަމުގައި ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު ވިދާޅުވެއްޖެއެވެ.
24 Nov 2025
ހަބަރު