ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) ގެ ފައިސާތަކަކަށް ޚިޔާނާތްތެރިވި މައްސަލައިގައި ހަތަރު އަހަރަށް އޭނާ ޖަލަށް ލުމަށް ކްރިމިނަލް ކޯޓުން ހުކުމް ކޮށްފިއެވެ.

ފީފާއިން ދިން ފައިސާއަށް ޚިޔާނާތްތެރިވުމުގެ ދައުވާ އޭނާގެ މައްޗަށް ސާބިތުވާކަމަށް ކަނޑައަޅައި، ކްރިމިނަލް ކޯޓުން މިއަދު ވަނީ ޖަލު ހުކުމް އިއްވާފައެވެ. އޭނާގެ މައްޗަށޤ އުފުލާފައިވާ މަނީ ލޯންޑަރިންގެ ޙުކުމް ކުރުން ވަނީ އެހެން ދުވަހަކަށް ފަސްކުރެވިފައެވެ.

މި ދައުވާ އުފުލާފައިވަނީ އެފްއޭއެމްގެ ރައީސްގެ މަގާމުގައި ހުރި އިރު ފީފާއިން ދިން ފައިސާގެ ތެރެއިން 10،000 ޑޮލަރު އަމިއްލަ އެކައުންޓަށް ޖަމާކޮށް ބޭނުންކުރި މައްސަލާގައެވެ. ބޭންކް ޗާޖްސްތައް ކެނޑުމަށް ފަހު އޭނާގެ އެކައުންޓަށް ޖަމާވެފައިވަނީ 9،999 ޑޮލަރެވެ. 

ޚިޔާނާތްތެރިވުމާއި މަނީލޯންޑަރިންގެ އިތުރުންވެސް ބައްސާމުގެ މައްޗަށް ތުހުމަތު ކުރެވޭ ކޮރަޕްޝަނުގެ މައްސަލަތައް އެބަހުއްޓެވެ. އެގޮތުން އަމީން އެވެނިއުއިން ޕެންޓްހައުސް ގަތުމާއި ފުޓްބޯޅަ އިދާރާގެ ފައިސާއާއި މުދަލަށް ހިޔާނާތްތެރިވިކަމުގެ ތުހުމަތު އޭނާގެ މައްޗަށް ކުރެއެވެ.