"ވޮކޭޝަނަލް ޖަރނީ އިން ފްރޭމްސް" ގެ ނަމުގައި މޯލްޑިވްސް ޕޮލިޓެކްނިކްގެ ފަރާތުން ދިވެހިރާއްޖޭގެ ޓެކްނިކަލް އެންޑް ވޮކޭޝަނަލް އެޑިޔުކޭޝަން ޓްރެއިނިންގ (ޓިވެޓް) ދާއިރާއަށް ބައިގަރުނު ފުރުމުގެ މުނާސަބަތުގައި ފޮޓޯ އެކްޒިބިޝަނެއް ބާއްވައިފިއެވެ.

މި މަހު 7 އަދި 8 ވަނަ ދުވަހު އާންމުންނަށް ހުޅުވާލައިގެން ބޭއްވުނު މި ފޮޓޯ އެކްޒިބިޝަން މެދުވެރިކޮށް ދިވެހިރާއްޖޭގެ ތާރީޚުގައި ޓިވެޓް ދާއިރާއަށް ލިބިފައިވާ ކުރިއެރުންތަކާއި ލިބިފައިވާ ކާމިޔާބީތައް ވަނީ ހުށައަޅައިދީފައެވެ. މީގެ އިތުރުން، މުސްތަޤްބަލުގައި ޓިވެޓް ދާއިރާ ތަރައްޤީކުރުމަށް ކުރެވެން ހުރި މަސައްކަތްތަކާއި ކުރުމަށް ރޭވިފައިވާ މަސައްކަތްތަކާއި ގުޅޭ ފޮޓޯތައް މި އެކްޒިބިޝަންގައި ހިމަނާފައިވެއެވެ.

ދިވެހިރާއްޖޭގެ ނައިބު ރައީސް، ޢަލްއުސްތާޡް ހުސައިން މުޙައްމަދު ލަތީފް އިފްތިތާޙްކޮށްދެއްވި މި އެގްޒިބިޝަންގައި، މަތީ ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާއި ބެހޭ ވުޒާރާގެ ވަޒީރު، ޑރ. ޢަލީ ހައިދަރު އަހްމަދުގެ އިތުރުން ދަޢުލަތުގެ އިސް ބޭފުޅުން ވަނީ ބައިވެރިވެވަޑައިގަންނަވާފައެވެ.