ފިލިޕީންސްއަށް އައި ބިންހެލުމަށް ފަހު ގެތައް ހަލާކުވެފައި / ފޮޓޯ: ޔޫއެސްއޭ ޓުޑޭ

ފިލިޕީންސްގެ ދެކުނަށް 7.4 މެގްނިޓިއުޑްގެ ބާރުގަދަ ބިންހެލުމެއް އަތުވެއްޖެ

އައިމިނަތު
10 Oct 2025
ހަބަރު

ފިލިޕީންސްގެ ދެކުނު އައްސޭރިފަށަށް 7.4 މެގްނިޓިއުޑްގެ ބިންހެލުމެއް އައިސް ފިލިޕީންސް އާއި އިންޑޮނޭޝިއާގެ ކަމާބެހޭ ފަރާތްތަކުން ވަނީ ސުނާމީގެ އިންޒާރު ދީފައެވެ.

ފިލިޕީންސްގެ މެދުތެރެއާއި ދެކުނުގެ އައްސޭރިފަށުގެ ރަށްރަށުގެ ރައްޔިތުން އެތަން ދޫކޮށްލުމަށް އެންގީ އާންމުކޮށް އުދައަރާ ވަރަށްވުރެ މަތިން ރާޅުތަކެއް އަރާނެ ކަމަށް ކަމާބެހޭ ފަރާތްތަކުން އިންޒާރު ދިނުމުންނެވެ.

މިއަދު ދުވަހުގެ ހެނދުނު އައި ބިންހެލުމުގައި މަދުވެގެން އެކަކު މަރުވެފައިވާއިރު، އެ ބިންހެލުމުގެ ސަބަބުން ފިލިޕީންސް ބައެއް ހިސާބުތަކުން ކަރަންޓް ކަނޑާލައި، ކްލާސްތައް މެދުކަނޑާލާފައިވެއެވެ.

އެންމެ ފަހުން ބިންހެލުން އައިސްފައިވަނީ ފިލިޕީންސްގެ މެދުތެރޭގެ ސެބޫ ޕްރޮވިންސަށެވެ. މި 6.9 މެގްނިޓިއުޑްގެ ބިންހެލުމުގެ ސަބަބުން 74 މީހުން މަރުވެ އެތައް ސަތޭކަ ބަޔަކު ޒަޚަމްވެފައިވެއެވެ.

ލޯކަލް މީޑިއާތަކުން ފެންނަ ފޫޓޭޖްތަކުން ފެންނަ ގޮތުގައި 7.5 މެގްނިޓިއުޑްގެ ބިންހެލުން އައި ހިސާބުން އުޅަނދުތައް ހުއްޓިގެން ދާއިރު އޯވަހެޑް ނެޓްވޯކް ކޭބަލްތައް ތެޅެމުން ދިޔައެވެ.

މި ބިންހެލުމާ ގުޅިގެން "ފަނާކުރަނިވި" އަދި "ފުރާނައަށް ނުރައްކާވާ" ސުނާމީ ރާޅުތަކެއް އަންނާނެ ކަމުގެ އިންޒާރު ފިލިޕީންސްގެ ކަމާބެހޭ ފަރާތްތަކުން ދީފައިވީ ނަމަވެސް ހަވާއީގެ ޕެސިފިކް ސުނާމީ އިންޒާރުދޭ މަރުކަޒުން ގާތްގަނޑަކަށް ގަޑިއެއްހާއިރު ފަހުން ވަނީ އެ ނުރައްކާ ފާއިތުވެފައިވާ ކަމަށް ބުނެފައެވެ.

ކައިރީގައި އޮންނަ އިންޑޮނޭޝިއާގައި ރާޅުތައް ފެނިފައިވާއިރު، އެންމެ ބޮޑެތި ރާޅުތައް 17 ސެންޓިމީޓަރަށް އަރާފައިވަނީ އުތުރު ސުލަވޭސީގެ ޓަލައުޑް އައިލެންޑްސް އިންނެވެ.

ކޮމެންޓް
އިތުރު ލިއުން
ސްރީލަންކާއަށް އެހީގެ ގޮތުގައި 50،000 އެމެރިކާ ޑޮލަރު އަދި މަސްދަޅުގެ 25،000 ކޭސް ހަދިޔާކުރަނީ
ސްރީލަންކާއަށް މިހާރު ކުރަމުންދާ ވިއްސާރައާ ގުޅިގެން، އެ ޤައުމަށް ފައިސާގެ އެހީގެ ގޮތުގައި 50،000 އެމެރިކާ ޑޮލަރު އަދި މަސްދަޅުގެ 25،000 ކޭސް ހަދިޔާ ކުރަން ދިވެހި ސަރުކާރުން ނިންމައިފިއެވެ.
29 Nov 2025
ހަބަރު
ޓެކްނޮލޮޖީގެ ތެރެއިން އަންހެނުން ބާރުވެރިކުރުވުމަށް މަސައްކަތްކުރަން ޖެހޭ: ރައީސް
އަލަށް އުފެދި ކުރިއަރަމުން އަންނަ ޓެކްނޮލޮޖީގެ ތެރެއިން އަންހެނުންނާއި އަންހެން ކުދިން ބާރުވެރިކުރުވުމަށް މަސައްކަތް ކުރަން ޖެހޭކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
25 Nov 2025
ހަބަރު
ބައިނަލްއަގުވާމީ ގުޅުންތައް ބަދަހިކުރެއްވުމަށް ކޮމިޝަނަރ އޮފް ޕޮލިސް އިސްމާޢީލް ނަވީން ގޮވާލައްވައިފި
އިންޓަޕޯލްގެ 93 ވަނަ އާންމު މަޖިލީހުގައި ބައިވެރިވެލައްވައި، ބައިނަލް އަގްވާމީ ގުޅުންތައް ބަދަހިކުރެއްވުމަށް ކޮމިޝަނަރ އޮފް ޕޮލިސް އިސްމާޢީލް ނަވީން ގޮވާލައްވައިފިއެވެ.
24 Nov 2025
ހަބަރު
މައިން ގޭގައި ކުރާ މަސައްކަތްތަކުން ދަރިން އެކަމަށް ޝައުޤުވެރިކަން އުފެދި، އެ ދާއިރާއަކުން ހުނަރުވެރި ބަޔަކަށް ވުމުގެ ފުރުޞަތު ލިބޭ: މެޑަމް ސާޖިދާ
ގޭތެރޭގައި މަންމަ ކުރަމުން އަންނަ މަސައްކަތެއްގެ ތެރެއިން ދަރިންގެ ކިބައިގައި އެކަމުގެ އާދައާއި ޝައުޤު އިތުރުވެ، ގުޅުންހުރި ދާއިރާއަކުން ހުނަރުވެރިޔަކަށް ވުމުގެ ފުރުޞަތު ފަހިވެގެންދާ ކަމުގައި ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު ވިދާޅުވެއްޖެއެވެ.
24 Nov 2025
ހަބަރު