ކުރިއަށް އޮތް ރިޔާސީ އިންތިހާބުގައި ވާދަ ނުކުރައްވަން އެމެރިކާގެ ރައީސް ޖޯ ބައިޑެން ނިންމަވައިފިއެވެ.

ކުރިއަށް އޮތް ރިޔާސީ އިންތިހާބު ގައި ވާދަ ނުކުރައްވާނެ ކަން އެމެރިކާގެ ރައީސް ޖޯ ބައިޑެން އިއުލާނު ކުރައްވައިފި އެވެ. މިކަން ހާމަކޮށްފައިވަނީ ރޭގެ ވަގުތެއްގައެވެ. 

  އުމުރުފުޅުން 81 އަހަރުގެ ބައިޑެންގެ މި ނިންމެވުން ހާމަކުރެއްވެވީ އެމަނިކުފާނު ސޮއިކުރައްވާ އާންމު ކުރެއްވި ސްޓޭޓްމަންޓެއްގަ އެވެ. ބައިޑެން ވިދާޅުވީ ރިޔާސީ ދެވަނަ ދައުރަކަަށް ކުރިމަތިލެއްވުމަަށް ނިންމަވާ ކުރެއްވެވި މަސައްކަތްޕުޅު ހުއްޓަވާލައްވާ ދެވަނަ ދައުރަކަށް ވާދަ ނުކުރައްވަން ނިންމަވާފައިވާ ކަމަަށެވެ.

އެމަނިކުފާނުގެ ރިޔާސީ މި ދައުރަކީ އެމެރިކާއަށް ކާމިޔާބު އަދި ފާގަތި ފަސް އަހަރު ކަމަށް ވިދާޅުވެ މިވަގުތުގެ ހުރިހާ ވެސް އަމާޒަކީ ވެރިކަމުގެ ދައުރު ފުރިހަމަ ގޮތުގައި ނިންމަވާލެއްވުން ކަމަށް ވެސް ބައިޑަން ވަނީ ވިދާޅުވެފައެވެ. ބައިޑަންގެ މި ނިންމެވުން މި އައީ އުމުރުފުޅުގެ ދޮށިފުޅުކަމާ ސިއްހީ ހާލަތުގެ ސަބަބުން ވެރިކަމުގެ އިތުރު ދައުރެއް އަދާ ނުކުރެއްވޭނެ ކަމާއި މިހާރު ވެސް މަގާމުގެ މަސްއޫލިއްޔަތު އުފުއްލެވުމުގެ ގާބިލުކަން އެމަނިކުފާނުގެ ނެތް ކަމަށް އެމެރިކާގެ ގިނަ ރައްޔިތުން ގަބޫލު ކުރާ ދަނޑިވަޅެއްގަ އެވެ.  

ރިޔާސީ ރޭހުން ފަހަތަށް ޖެހިވަޑައިގެން އެހެން ބޭފުޅަކަަށް ފުރުސަތު ދެއްވުމަށް ޑިމޮކްރެޓިކް ޕާޓީގެ ލީޑާޝިޕުންނާއި އާންމު މެންބަރުން އަދި ސަޕޯޓަރުން އަންނަނީ ގޮވާލަމުންނެވެ. އަދި ނިމިދިޔަ ރިޔާސީ ބަހުސުން ލިބިވަޑަައިގެން ދަށް ނަތީޖާއާއެކު ބައިޑެންއާއެކު ޑިމޮކްރެޓިކުންނަށް ވެރިކަން ގެއްލޭނެކަން ކަށަވަރުވެ އެކަން އެގޮތަށް ކުރަން ނިންމެވިއެވެ. 

ނަމަވެސް އެ އަޑުތަކަށް ބައިޑެން ފުރަތަމަ ދެއްވެވީ ބީރުކަންފަތްޕުޅެކެވެ. އަދި ޗެލެންޖު ކުރައްވާ ވިދާޅުވީ އެމަނިކުފާނު މުޅީން ރަނގަޅު ކަމަށާ ހުންނެވީ ވެރިކަން ކުރެއްވޭނެ ފަދަ ގަދަފަދަ ސިއްހަތެއްގައި ކަމަށެވެ. ރިޔާސީ ބަހުސުން ބޭނުންފުޅުވީ މަންޒަރު ފެނިވަޑައިނުގަތީ އާލާސްކަންފުޅާއި ވަރުބަލިފުޅު ވެފައި ހުންނެވުމުން ކަމަަށް އޭނާ ވިދާޅުވެފައިވެއެވެ.

އަދި ބައިޑަން އެކަން ސާބިތުކޮށްދިނުމަށް މަސައްކަތް ފައްޓަވާފައިވަނިކޮށް އާލަސްކަންފުޅު ޖެހިވަޑައިގަނެ މުޅި ކެމްޕެއިން މެދުކަނޑާލިއެވެ.