ސްކޮލަރޝިޕް ޙާޞިލް ކުރި ދަރިވަރުން، ކިޔަވަންދާއިރު ސަމާލުވަން ޖެހޭ ބައެއް ކަންތައްތަކުގެ މަޢުލުމާތު ދީފި

އަލީ އަޒްލީފް
22 Jul 2024
ހަބަރު

ރައީސުލްޖުމްހޫރިއްޔާ ދެއްވާ ޚާއްސަ ސްކޮލަރޝިޕާއި ހައި އެޗީވާސް ސްކޮލަރޝިޕް ލިބުނު ދަރިވަރުންނަށް ކިޔަވަން ދާއިރު ސަމާލުވާން ޖެހޭ ބައެއް ކަންތައްތަކުގެ މަޢުލުމާތު ދެއްވުމަށް މިނިސްޓްރީ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓުން މޯލްޑިވިސް ނެޝަނަލް ޔުނިވާސިޓީ (އެމް.އެން.ޔޫ) ގައި ވަނީ ސެޝަނެއް ބާއްވާފައެވެ.

އެއްދުވަހުގެ މުއްދަތަށް މިއަދު ބޭއްވި ސެޝަންގައި ކެރިއަރ ގައިޑެންސާއި ކުރިމަގަށް ބޭނުންވާނެ ހުނަރުތައް ދެނެގަތުމުގެ ދާއިރާގައި ރާއްޖޭގެ މަޝްހޫރު ދެބޭފުޅެއްކަމުގައިވާ މުޙައްމަދު ޢާލިމްއާއި ޑރ. ސަނީ ޢުމަރާއެކު މަޝްވަރާކުރެވުނެވެ. އަދި އާޢިލާއާއި ދުރުގައި ހުރުމުގެ ސަބަބުން ނަފްސާނީ ދުޅަހެޔޮކަމަށް ކުރިމަތިވެދާނެ ގޮންޖެހުންތަކުން އަރައިގަންނާނެ ގޮތްތަކާއި ގުޅޭގޮތުން އެކަމުގެ ތަޖުރިބާކާރު ޙައްވާ ލީޝާއާއެކު މަޝްވަރާކުރެވުނެވެ.

މީގެ އިތުރުން، ވޭތުވެދިޔަ އަހަރުތަކުގައި ރާއްޖެއިން ބޭރުން ތަޢުލީމު ހާޞިލުކުރި ދަރިވަރުންގެތެރެއިން، މި އަހަރުގެ ސްކޮލަރޝިޕްތައް ލިބުނު ގިނަ ދަރިވަރުން ދާން ބޭނުންވާ ތިންގައުމަކުން ކިޔެވި ބައެއް ދަރިވަރުންގެ ތަޖުރިބާތައް ޙިއްސާކުރެއްވިއެވެ. މިނިސްޓަރ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓް ޑރ. މަރްޔަމް މާރިޔާ ކަމާ ގުޅުން ހުރި އެކަމަނާގެ ބައެއް ތަޖްރިބާތައް ޙިއްސާކުރައްވަމުން ފަށްޓަވައިދެއްވި މި ސެޝަންގައި މިނިސްޓްރީގެ ސްކޮލަރޝިޕް ސެކްޝަންގެ އެސިސްޓެންޓް ޑިރެކްޓަރ މަރްޔަމް ސަމްރަތު، އެ ސެކްސަނުން ދަރިވަރުންނަށް ދޭ ޚިދުމަތްތައް ފަސޭހަކަމާއެކު މި ދަރިވަރުންނަށް ލިބޭނެގޮތްތަކާގުޅޭގޮތުން މަޢުލުމާތު ދެއްވިއެވެ. މޯލްޑިވިސް ކޮލިފިކޭޝަންސް އޮތޯރިޓީ (އެމް.ކިއު.އޭ) އިން ދޭ ޚިދުމަތްތައް ފަސޭހަކަމާއެކު މި ދަރިވަރުންނަށް ލިބޭނެގޮތްތަކާގުޅޭގޮތުން އެ އޮތޯރިޓީގެ ސީއީއޯ މަރްޔަމް ފިޒާނާ ރަޝީދު މަޢުލުމާތު ދެއްވާފައިވެއެވެ.

މޯލްޑިވިސް ނެޝަނަލް ޔުނިވާސިޓީ (އެމް.އެން.ޔޫ)ގެ ސެންޓްރަލް އޮޑިޓޯރިއަމްގައި މިއަދު ބޭއްވި މި ސެޝަންގައި، މިނިސްޓަރ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓް ޑރ. މަރްޔަމް މާރިޔާގެ އިތުރުން އެ ވުޒާރާގެ ސްޓޭޓް މިނިސްޓަރ ޑރ. ޢަބްދުއްރަޙީމް ޙަސަނާއި، ޑރ. ޢަބްދުالله ފައިރޫޝާއި، އެހެނިހެން ބައެއް މުވައްޒަފުން ބައިވެރިވަޑައިގެންނެވިއެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު