ޣައްޒާ

އަލް މަވާސީއަށް އިސްރާއީލުން ދިން ހަމަލާއަކީ ހަމާސްްގެ ލީޑަރަކަށް އަމާޒުކޮށްދިން ހަމަލާއެއް ނޫން: ހަމާސް

އައިޝަތު ޝިއުރާ
13 Jul 2024
ދުނިޔެ

އިސްރާއީލުން "ސޭފް ޒޯން"ގެ ގޮތުގައި ކަނޑައަޅާފައިވާ އަލް މަވާސީ އަށް ދިން ހަމަލާއަކީ އެސަރަހައްދުގައި ތިބި ހަމާސްގެ ސީނިއަރ ބަޔަކަށް އަމާޒުކޮށް ދިން ހަމަލާތަކެއްކަމަށް އިސްރާއީލު އަސްކަރިއްޔާއިން ބުނި ބުނުން ހަމާސް އިން ދޮގުކޮށްފިއެވެ.

ޣައްޒާގެ ހެލްތު މިނިސްޓްރީން ބުނީ ޣައްޒާގެ ދެކުނުގައި އޮންނަ އަލް މަވާސީއަށް ނިރުބަވެރި ޔަހޫދީން ދިން ހަމަލާތަކުގައި ޝަހީދުވި މީހުންގެ އަދަދު 71ށް އަރާފައިވާކަމަށެވެ. އަދި ޒަޚަމްވި މީހުންގެ އަދަދު 289ށް އަރާފައިވާކަމަށެވެ.

ޣައްޒާގެ ސިވިލް ޑިފެންސްގެ ސްޕޯކްސްޕާސަން އަލް ޖަޒީރާއަށް ދިން އިންޓަރވިއުއެއްގައި ބުނީ އިސްރާއީލުގެ ހަނގުރާމަމަތީ ބޯޓުތަކުން ހަމަލާތައް ދީފައިވަނީ އެސަރަހައްދުގައި ގެދޮރު ގެއްލިފައިވާ އެތައް ހާސް ބަޔަކު ދިރިއުޅެމުން އަންނަ ޓެންޓްތަކަށާއި ފެން ދޫކުރާ ތަނަކަށްކަމަށެވެ.

މިހަމަލާތަކުގައި އެތައް ބަޔެއްގެ ފުރާނަ ގެއްލިގެންދިޔުމުގެ ސަބަބުން އިސްރާއީލަށް ބައިނަލްއަގްވާމީ ފަރާތްތަކުގެ ފާޑުކިޔުންތައް ވަނީ އަމާޒުވެފައެވެ. އެއާއެކު އިސްރާއީލު އަސްކަރިއްޔާއިން ނެރުނު ބަޔާނެއްގައި ބުނީ އެސަރަހައްދަށް އަމާޒުކޮށް ހަމަލާދިނީ އެސަރަހައްދުގައި ހަމާސްގައި ސީނިއަރ ދެ މީހުން ތިބިކަމުގެ އިންޓެލިޖެންސް މައުލޫމާތު ލިބިގެންކަމަށެވެ. އަދި އެސަރަހައްދުގައި އެހެން ހަނގުރާމަވެރިންވެސް ތިބިކަމަށް އިސްރާއީލު އަސްކަރިއްޔާއިން ބުނެއެވެ.

އިސްރާއީލު އަސްކަރިއްޔާގެ ބަޔާނާ ގުޅިގެން ހަމާސް އިން ނެރުނު ބަޔާނުގައި ބުނީ މިީ އިސްރާއީލުން ހިންގާ ގަތުލުއާންމުތައް ފޮރުވުމަށް ހަދަމުންދާ ދޮގުތަކަށް އިތުރުވެގެންދިޔަ ދޮގެއްކަމަށެވެ. ހަމާސްގެ ޕޮލިޓިކަލް އޮފީހުގެ މެމްބަރެއްކަމުގައިވާ އިއްޒަތު އަލް ރަޝާގު ރޮއިޓަރސް އާ ވާހަކަދައްކަމުން ބުނީ ހަމާސްގެ އިސް ބަޔަކަށް އަމާޒުކޮށް ހަމަލާ ދިންކަމުގައިވިޔަސް މިހާ ގިނަ އަދަދެއްގެ ގެދޮރު ގެއްލިފައި ތިބި ބަޔަކަށް އަމާޒުކޮށް ހަމަލާދިނުމަކީ ބަލައިގަނެވޭނެކަމެއް ނޫންކަމަށެވެ.

ހަމާސްގެ ބަޔާނުގައި އިތުރަށް ބުނެފައިވަނީ ޚާން ޔޫނުސްގައި އޮންނަ އަލް މަވާސީ ސަރަހައްދުގައި ގެދޮރު ގެއްލިފައިވާ 80،000 މީހުން ދިރިއުޅެމުން އަންނަކަމަށާއި އެސަރަހައްދަށް އަމާޒުކޮށް ޔަހޫދީ ޒަޔަނިސްޓުން މިހަމަލާ ދިނުމުން ސާބިތުވަނީ ޔަހޫދީން މަސައްކަތްކުރަނީ ނަސްލު ނައްތާލަންކަން ކަމަށް ހަމާސް އިން ބުނެއެވެ. އަދި މިއީ ރޭވިގެން އިންތިޒާމުކުރެވިގެން ހިންގަމުންދާ ގަތުލު އާންމެއް ކަމަށް ހަމާސް އިން ވަނީ ބުނެފައެވެ.

އަލް މަވާސީ އަކީ އިސްރާއީލުން މީގެކުރިންވެސް ހަމަލާތައް ދީފައިވާ ސަރަހައްދެކެވެ. އެގޮތުން މެއި މަހުގެ ތެރޭގައި އިސްރާއީލުން އެ ސަރަހައްދަށް ދިން ހަމަލާފައި 21 މީހުން ވަނީ ޝަހީދުކޮށްލާފައެވެ.

ކޮމެންޓް
އިތުރު ލިއުން
ހައްދުންމައްޗަށް ކުރެއްވި 3 ދުވަހުގެ ދަތުރުފުޅު ނިންމަވާލެއްވުމަށްފަހު ރައީސުލްޖުމްހޫރިއްޔާ މާލެ ވަޑައިގަންނަވައިފި
ހައްދުންމަތީގެ މީހުން ދިރިއުޅޭ ރަށްރަށަށް ކުރެއްވި ދަތުރުފުޅު ނިންމަވާލެއްވުމަށްފަހު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، މިއަދު މާލެ ވަޑައިގަންނަވައިފިއެވެ.
22 Oct 2025
ހަބަރު
މަސްތުވާތަކެތީގެ މައްސަލައެއްގައި ނ. ޅޮހިން މީހަކު ހައްޔަރުކޮށްފި
ކައުންޓަރ ނާކޮޓިކްސް އިންޓެލިޖެންސާއި ނ. އަތޮޅު ޕޮލިސް ގުޅިގެން ހިންގި އޮޕަރޭޝަނެއްގައި ނ. ޅޮހިން މީހަކު ހައްޔަރުކޮށްފިކަމަށް، ދިވެހި ފުލުހުންގެ ޚިދުމަތުން ބުނެފިއެވެ.
20 Oct 2025
ހަބަރު
އިތުރު 14 ބިދޭސީން އިމިގްރޭޝަންގެ ބެލުމުގެ ދަށަށް
ގަވާއިދާ ޚިލާފަށް އުޅެމުންދިޔަ 14 ބިދޭސީން އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
20 Oct 2025
ހަބަރު
މާވަށު ޞިއްޙީ މަރުކަޒު ހޮސްޕިޓަލް ފެންވަރަށް ބަދަލުކޮށް، ސީއެމްބިއުލާންސްގެ ޚިދުމަތް ފެށޭނެ: ރައީސް
އަންނަ އަހަރު ސީއެމްބިއުލާންސްގެ ފްލީޓު ބޮޑުކުރުމަށް ސަރުކާރުން ނިންމަވާފައިވާކަމަށާއި، އެއާއެކު މާވަށުގައި ސީއެމްބިއުލާންސްގެ ޚިދުމަތް ފެށޭނެކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
20 Oct 2025
ހަބަރު