"ހައްޓަށް" ސިލްސިލާގެ ދެވަނަ ސެޝަން ނިންމާލައިފި

އަލީ އަޒްލީފް
23 Jul 2024
ހަބަރު

މިންހެޔޮ ކާނާ ތައްޔާރުކުރާނެ ގޮތް ކިޔައިދިނުމަށް ޔޫއެންއެފްޕީއާއި ގުޅިގެން އިސްރަށްވެހިންގެ ނާދީން ކުރިއަށް ގެންދާ "ހައްޓަށް" ސިލްސިލާގެ ދެވަނަ ސެޝަން ނިންމާލައިފި އެވެ.

މި ސެޝަނުގައި ހަށިގަނޑުގެ ހަޖަމުކުރުމުގެ ނިޒާމް (ޑައިޖެސްޓިވް ސިސްޓަމް) މަސައްކަތް ކުރާ ގޮތާއި، ކާނާ ކެއުމުގައި ހަށިގަނޑަށް ބޭނުންތެރި ފައިދާހުރި ތަކެތި ކެއުމާއި ގުޅޭ މަޢުލޫމާތު ވަނީ ހިއްސާކޮށްފައެވެ.

އޭގެ ތެރޭގައި ކާނާގައި ފައިބަރ އަދި ޕްރޮޓިން ހިމެނޭ ބައިތައް ގިނަކުރުމުގެ މުހިންމުކަމަށް އަލި އަޅުވާލާފައިވެއެވެ. މި ކައްކާ ކްލާސްތަކުގައި ހައްޓަށް ހެޔޮ، އަނގަޔަށް މީރު މިންހެޔޮ ކާނާ ތައްޔާރުކުރާނެ ގޮތް ބައިވެރިންނަށް ކިޔައިދީ، އެއާއެކު އަމަލީ ގޮތުން އެ ބާވަތްތައް ތައްޔާރުކުރާނެ ގޮތްތައް ވެސް މި ކްލާސްތަކުގައި ބައިވެރިންނަށް ދަސްކޮށްދިނެވެ.

އެއާއެކު، ފެހި ކުލައިގެ ކާތަކެތި ހުރިހާ ވަގުތެއްގައި ކެއުމަށް އާދަކުރުމުގެ މުހިންމުކަމާއި، ވަކިން ޚާއްސަކޮށް ކޮޕީ ފަތާއި، މުރަނގަ ފަތް ފަދަ ފައިދާހުރި ކާނާގެ ބާވަތްތައް ކެއުމުގައި ހިމެނުމުގެ މުހިންމުކަން ވަނީ ފާހަގަކޮށްފައެވެ. އަދި ކެއުމަށް ރަނގަޅު ގަޑިތައް ކިޔާދީފައިވެއެވެ.

މިގޮތުން ހަޖަމު ކުރުމަށް ވަގުތު ދިނުމަށްފަހު ނިދާ ގަޑީގެ 3 ނުވަތަ 4 ގަޑިއިރު ކުރިން ކާން ވާނެކަން ވަނީ ފާހަގަކޮށްފައެވެ.

މިއީ އިސްރަށްވެހިންގެ ނާދީ އާއި ޔޫއެންއެފްޕީއޭ ގުޅިގެން އިސްރަށްވެހިންގެ ނާދީގައި ކުރިއަށް ގެންދާ ޕްރޮގްރާމެކެވެ. މިގޮތުން މި ކްލާހަކީ ހަފްތާއަކު އެއްދުވަހު 2 ގަޑިއިރަށް ކުރިއަށް ގެންދާ ދުޅަހެޔޮ ކާނާ ކައްކާނޭ ގޮތް ދަސްކޮށްދޭ ކްލާހެކެވެ. ޖުލައި 20 ގައި ކުރިއަށް ގެންގޮސްފައިވާ ފުރަތަމަ ބެޗްގެ 2 ވަނަ ކްލާހުގައި 21 ފަރާތެއް ވަނީ ބައިވެރިވެފައެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު