ކޮޅުމަޑުލު އަތޮޅަށް ކުރައްވަމުންގެންދަވާ ރަސްމީ ދަތުރުފު ގައި މިނިސްޓަރު ވޭމަންޑޫއަށް ވަޑައިގެން، އެރަށުގެ ކައުންސިލް އަދި ޑަބްލިޔު.ޑީ.ސީ މެންބަރުންނާ ބައްދަލުކުރައްވައިފިއެވެ.
މި ބައްދަލުވުމުގައި މިނިސްޓަރ ގެ އިތުރުން ތިމަރަފުށި ދާއިރާގެ މެންބަރު އަޙުމަދު ރިޔާޒު ބައިވެރިވެވަޑައިގެންނެވިއެވެ. މި ބައްދަލުވުމުގައި މައިގަނޑު ގޮތެއްގައި މަޝްވަރާކުރެވިފައިވަނީ ރަށުގެ ކުނި މެނޭޖުކުރުމުގެ ކަންކަމާ ބެހޭގޮތުންނެވެ.
މިނިސްޓަރުގެ މި ދަތުރުފުޅަކީ ކޮޅުމަޑުލު އަތޮޅުގެ ރަށްތަކުގެ ތަރައްޤީގެ މަޝްރޫޢުތަކާއި ރައްޔިތުންގެ ބޭނުންތައް ދެނެގަތުމަށް ކުރައްވާ ދަތުރުފުޅެކެވެ. ވޭމަންޑޫގައި ބޭއްވުނު ބައްދަލުވުމުގައި ރަށުގެ ކުނި މެނޭޖުކުރުމުގެ ނިޒާމު ހަރުދަނާކުރުމާއި، މިކަމުގައި ދިމާވާ ގޮންޖެހުންތަކާ ބެހޭގޮތުން ފުޅާ ދާއިރާއެއްގައި މަޝްވަރާކުރެވުނެވެ.
މިނިސްޓަރުގެ މި ދަތުރުފުޅުގެ ސަބަބުން ވޭމަންޑޫގެ ކުނި މެނޭޖުކުރުމުގެ ނިޒާމަށް އެދެވޭ ކުރިއެރުންތަކެއް ލިބޭނެކަމަށް ރަށުގެ ރައްޔިތުން އުންމީދުކުރެއެވެ.
މިނިސްޓަރުގެ މި ދަތުރުފުޅު ކުރިއަށްދާނީ ކޮޅުމަޑުލު އަތޮޅުގެ އެހެން ރަށްތަކަށްވެސް ޒިޔާރަތްކުރައްވަމުންނެވެ. މި ދަތުރުފުޅުގެ ތެރެއިން އަތޮޅުގެ ތަރައްޤީއަށް މުހިންމު ގިނަ މަޢުލޫމާތުތަކެއް އެއްކުރެވި، ކުރިއަށް އޮތްތަނުގައި ތަންފީޒުކުރާނެ ޕްރޮޖެކްޓްތަކެއް ފާހަގަކުރެވޭނެކަމަށް ބެލެވެއެވެ.
