އދ. މާމިގިލީ ކައުންސިލާ ވަޒީރު އާދަމް ޝަރީފު ޢުމަރު ބައްދަލުކުރައްވައިފިއެވެ. އިއްޔެ މި ވުޒާރާގައި އޮތް މި ބައްދަލުވުމުގައި އެ ކައުންސިލުގެ ބައެއް ކަންބޮޑުވުންތައް ވަޒީރާ ހިއްސާކުރައްވަައިފައި ވެއެވެ.
އެ ގޮތުން މި ބައްދަލުވުމުގައި އެ ކައުންސިލަށް ފަޅުރަށެއް ބޭނުންވާ ކަމަށާ، އެ ކަން އަވަސް ތާރީޚެއްގައި ހަމަޖައްސަވައި ދެއްވުމަށް ވަޒީރުގެ އަރިހުން އެދިވަޑައިގެންނެވިއެވެ.
މީގެ އިތުރުން އެ ކައުންސިލުގެ ބޭފުޅުން ވިދާޅުވީ އެ ރަށަކީ މި ވަގުތު ގާތްގަނޑަކަށް 5000 މީހުން ދިރިއުޅޭ ރަށަކަށް ވާތީ ޞިއްޙީ މަރުކަޒުން ލިބޭ ޚިދުމަތްތައް މިހާރަށް ވުރެ ރަނގަޅުވުމަކީ މުހިންމު ކަމެއް ކަމަށެވެ. އެ ގޮތުން 2022 ވަނަ އަހަރު އިޢުލާންކުރި އެ ރަށު ހޮސްޕިޓަލް އިމާރާތުގެ މަސަައްކަތް މިހައިތަނަށް އައި އިރު ވެސް ނުފެށި ވާތީ، އެ ކަން އަވަސް ވާނެ ގޮތް ވޭތޯ ބައްލަވައި ދެއްވުމަށް ވެސް ވަޒީރު އަރިހުން އެދި ވަޑައިގެންނެވިއެވެ.
މި ބައްދަލުވުމުގައި މާމިގިލި ހިމެނޭ ކުލަސްޓަރގެ ވެރިން ބައިވެރިވެލެއްވިއެވެ.
