ކަމަލާ ހެރިސް

އޮބާމާގެ ތާއީދު ކަމަލާ އަށް

އައިޝަތު ޝިއުރާ
26 Jul 2024
ދުނިޔެ

ކުރިޔަށް އޮތް އެމެރިކާގެ ރިޔާސީ އިންތިޚާބުގައި ޑިމޮކްރަޓުންގެ ފަރާތުން ކަމަލާ ހެރިސް ވާދަކުރެއްވުމަށް އެމެރިކާގެ ކުރީގެ ރައީސް ބަރަކް އޮބާމާ ތާއީދުކުރައްވައިފިއެވެ. 

މިއާއެކު އެމެރިކާގެ މިހާރުގެ ނައިބު ރައީސް ކަމަލާ ހެރިސް އަށް ޑިމޮކްރަޓުންގެ މުހިންމު ހުރިހާ ފަރާތްތަކެއްގެ ތާއީދު މިވަނީ ލިބިފައެވެ. 

އޮބާމާގެ ތާއީދު ކަމަލާ އަށް އޮތްކަމަށް ވިދާޅުވީ ކަމަލާއަށް ފޯނުން ގުޅުއްވައެވެ. މިފޯނު ކޯލު އައި ވީޑިއޯ މިހާރު ސޯޝަލް މީޑިޔާއަށް ޕޯސްޓްކޮށްފައިވާއިރު ފޯނު ކޯލުގައި އޮބާމާ ވަނީ އޮބާމާގެ އިތުރުން މިޝެލް އޮބާމާގެ ތާއީދުވެސް ކަމަލާއަށް އޮތްކަމަށް ވިދާޅުވެފައެވެ. އަދި ކުރިޔަށްއޮތް އިންތިޚާބު ކަމަލާއަށް ކާމިޔާބުކޮށްދިނުމަށް ކުރެވެން ހުރި ހުރިހާ މަސައްކަތެއް ކުރައްވާނެކަމަށް އޮބާމާ ވިދާޅުވިއެވެ. 

ފޯނުކޯލަށްފަހު އޮބާމާ އެކްސްގައި ކުރެއްވި ޕޯސްޓެއްގައި ވިދާޅުވީ އޮބާމާ އާއި މެޝެލް، ކަމަލާއަށް ގުޅުއްވާ އެދެބޭފުޅުންގެ ތާއީދު ކަމަލާއަށް އޮތްކަމަށް ވިދާޅުވިކަމަށެވެ. އަދި ކަމަލާ ވެގެންދާނީ ވަރަށް ފުރިހަމަ ރައީސަކަށްކަމަށް ވިދާޅުވިކަމަށާއި ގައުމަށް މިހާރު ދިމާވެފައިމިވާ ހާލަތުގައި ކަމަލާއަށް އިންތިޚާބު ކާމިޔާބުކޮށްދެއްވުމަށް ކުރެވެން ހުރި ހުރިހާ މަސައްކަތެއް ކުރައްވާނެކަމަށް އޮބާމާ ވިދާޅުވެފައިވެއެވެ. 

ބަރަކް އޮބާމާ އަކީ އެމެރިކާގެ ފުރަތަމަ އެފްރިކަން އެމެރިކަން ރައީސެވެ. 2008 ވަނަ އަހަރު އެމެރިކާގެ ވެރިކަމާ އޮބާމާ ހަވާލުވެވަޑައިގެންނެވިއިރު ދެ ދައުރު އޮބާމާ ފުރުއްވާފައިވެއެވެ. އޮބާމާ ފާހަގަވެގެންގޮސްފައިވަނީ ޑިމޮކްރަޓިކް ޕާޓީގެ އެންމެ މަގުބޫލު އެއް ބޭފުޅެއްގެ ގޮތުގައެވެ. އަދި 2020 ވަނަ އަހަރު އޮތް އިންތިޚާބު ބައިޑަން އަށް ކާމިޔާބު ކޮށްދެއްވުމަށްވެސް އޮބާމާ މަސައްކަތްކުރައްވާފައިވެއެވެ. 

ކަމަލާ ވަނީ އޮބާމާގެ ތާއީދު ލިބިވަޑައިގަތުމުން އެކަމަށް އޮބާމާއަށް ޝުކުރު އަދާކުރައްވާފައެވެ. 

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު