ޗައިނާއިން އައްޑުއަށް ސީދާ ދަތުރުތައް ވަރަށް އަވަހައް ފެށޭނެކަމަށް ފަތުރުވެރިކަމާ ބެހޭ ވަޒީރު، އިބްރާހިމް ފައިސަލް ވިދާޅުވެއްޖެއެވެ.

ޕީއެންސީއުން ރޭ ބޭއްވި ޖަލްސާއެއްގައި ވާހަކަފުޅު ދައްކަވަމުން ފަތުރުވެރިކަމާއި ބެހޭ ވަޒީރު ވިދާޅުވީ އައްޑޫގައި ފަތުރުވެރިކަމުގެ ސިނާޢަތް ކުރިއެރުވުމަކީ ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުގެ ބޮޑު ތަސައްވުރެއް ކަމަށާއި އެކަމަށް ޓަކައި ގިނަ މަސައްކަތްތަކެއް ކުރައްވަމުން ގެންދަވާކަމަށެވެ.

މީގެ އިތުރުން ޖަލްސާގައި ވާހަކަފުޅު ދައްކަވަމުން ފައިސަލް ވިދާޅުވީ ޗައިނާގައި އޮތް އައިޓީބީ ފެއާގައި ޗައިނާގެ އެއާލައިންތަކާ ބައްދަލުކޮށް ޗައިނާ އިން އައްްޑުއަށް ސީދާ ދަތުރުތަަށް ފެށުމަށް އެދިފައިވާކަމަށާއި އަދި ވަރަށް އަވަހައް ދަތުރުތަށް ފެށޭނެކަމަށްވެސް ފައިސަލް ވިދާޅުވިއެވެ. ފައިސަލް ވިދާޅުވީ ޕްލޭނަކީ އައްޑޫގައި ސީޕްލޭން ޓާމިނަލެއް ޤާއިމުކޮށް, ސީދާ ދަތުރުތައް ފަށައި, ފަތުރުވެރިކަން މުޅި ދެކުނަށް ޑައިވަރޓު ކުރުންކަމަށެވެ. 

އިތުރަށް ފައިސަލް ވިދާޅުވީ އައްޑޫގައި ފަތުރުވެރިކަން ކުރިއެރުވުމަށް ބޭނުންވާ އެންމެ ބޮޑު ކަމަކީ ޝަންގްރިއްލާގެ އޮޕަރޭޝަން ފެށުން ކަމަށެވެ. އަދި ރައީސް ޑރ.މުޢިއްޒު ވަނީ އެ ކަން އެއް އަހަރު ތެރޭ ކޮށްދެއްވާނެކަމަށް ވައުދުވެވަޑައިގެންފައިކަމަށްވެސް ފައިސަލް ވިދާޅުވިއެވެ.

ރައީސް ގެ ވައުދުފުޅު ފުރިހަމަ ކުރެއްވުމަށް ގިނަ މަސައްކަތްތަކެއް ކުރެވުމުން ދާކަމަށް ފާހަގަކުރައްވާ ފައިސަލް ވިދާޅުވީ ޝަންގްރިއްލާގެ މެނޭޖްމަންޓާވެސް ބައްދަލުކުރެވިފައިވާކަމަށާއި އަދި ޝަންގްރިއްލާގެ އޯނަރުންނާ ބައްދަލުކުރުމަށް ދަތުރުކުރައްވަން ޖެހިވަޑައިގަންނަވާނަމަ އެކަން ވެސް ކުރައްވާނެ ކަމަށް ފައިސަލް ރޭ ބޭއްވި ޖަލްސާގައިވަނީ ވިދާޅުވެފައެވެ.