ޑިފެންސް މިނިސްޓަރު މުޙައްމަދު ޣައްސާން މައުމޫން ފުވައްމުލަކަށް ވަޑައިގެން ފުވައްމުލައް ސިޓީ ޕީޕީއެމްގެ އިސްބޭފުޅުންނާއި ބައްދަލުކުރައްވައިފިއެވެ.

އެސިޓީ ޕީޕީއެމް އިސްބެފުޅުންނާއި ބައްދަލުކުރެއްވީ ދިފާއީ ވަޒީރު މުޙައްމަދު ޣައްސާން މައުމޫންމިހާރު ފުވައްމުލަކަށް ކުރައްވަމުން ގެންދަވާ ދަތުރުފުޅުގެ ތެރެއިންނެވެ. މިދަތުރުފުޅުގައި އެސިޓީގެ ކައުންސިލާވެސް ބައްދަލުކުރައްވާފައިވެއެވެ.

އެގޮތުން މިނިސްޓަރ ފުވައްމުލަކު ސިޓީގެ ކައުންސިލާއެކު ގިނަ މަޝްވަރާތަކެއް ކުރައްވާފައިވެއެވެ. އެސިޓީގެ ކައުންސިލުން ބުނީ މިބައްދަލުވުމުގައި ރައްޔިތުންނާއި ގުޅުންހުރި ގިނަ ކަންތައްތަކެއްގެ މަޝްވަރަާތަކާއި ޚިޔާލު ބަދަލުކުރެވުނުކަމަށެވެ. މަޝްވަރާ ކުރެވުނު ކަންތައްތަކުގެ ތެރޭގައި ދިފާއީ ވުޒާރާގެ ބެލުމުގެދާށުން ފުވައްމަލައް ސިޓީގެ ރައްޔިތުންގެ ހުރި ކަންބޮޑުވުންތަކާއި ރައްޔިތުންނަށް ފޯރުކޮށްދޭ ހިދުމަތްތައް މިހާރަށްވުރެވެސް ރަނގަޅަށް ކުރެވިދާނެ ގިނަ ކަންތައްތަކާއި ގުޅޭގޮތުން މަޝްވަރާކޮށްފައިވެއެވެ. 

މިނިސްޓަރ އެސިޓީއަށް ވަޑައިގަންނަވާ ކައުންސިލާއިއެކު ބޭއްވި ބައްދަލުވުމުގައި ރައްޔިތުންގެ މަޖިލީހުގެ ފުވައްމުލައް ސިޓީ މެދު ދާއިރާގެ މެމްބަރު އަލީ ފަޒާދު އަދި ދެކުނު ދާއިރާގެ މެމްބަރު އިބްރާހިމް ހުސެއިންގެ އިތުރުން ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވުޒާރާގެ ޑެޕިއުޓީ މިނިސްޓަރ އަހުމަދު މުހައްމަދު ވަނީ ބައިވެރިވެވަޑައިގެންފައެވެ.