އާރް.ޓި.އެލްގެ ޚިދުމަތުގައި ބޭނުންކުރާ ބަސްތަކުގެ ސައިޒު ކުޑަކުރުމަށް ނިންމައިފިއެވެ.

މި ގޮތަށް ނިންމާފައިވަނީ ތޮއްޖެހިފައިވާ މަގުތަކުގައި ބޮޑެތި ބަސްތައް ބޭނުން ކުރަމުންދާތީ ޓްރެފިކް ތޮއްޖެހުމުގެ މައްސަލަ އިތުރަށް ގޯސްވެ ބަސްތަށް އޮޕްރޭޓް ކުރުމަށް ދަތިވެފައިވާތީއެވެ. 

ތޮއްޖެހިފައިވާ މާލޭގައި ބޮޑެތި ބަސްތައް އޮޕަރޭޓްކުރަން އުނދަގޫ ވުމުގެ ސަބަބުން ބަސްތައް އޭގެ ޝެޑިއުލްއާއި އެއްގޮތަށް ދަތުރުނުކުރެވޭތީ އާރް.ޓީ.އެލް ބަހުގެ ޚިދުމަތް ހޯދަމުންދާ ފަރާތްތަކުން ދަތިތަކާއި ކުރިމަތިވެއެވެ. މިކަމުގެ ސަބަބުން ބަހުގެ ޚިދުމަތް ހޯދާ ފަރާތްތަކުގެ އަދަދު މަދުވަމުން ދާކަމަށް އެމް.ޓީ.ސީ.ސީން ވަނީ ބުނެފައެވެ.   

ބަސަތައް އޭގެ ޝެޑިއުލްއާއި އެއްގޮތަށް ދަތުރުކޮށް މާލެ ތޮއްޖެހުމުގެ މައްސަލަ ހައްލުކުރުމަށް މާލެ އަދި ހުޅުމާލެ އެތެރޭގައި ދުއްވުމަށް އެކަށޭނެ ކުދި ސައިޒުގެ ބަހަށް ބަދަލުކޮށް ބަސް ރޫޓްތަކުގެ ފްރީކުއެންސީ އިތުރުކުރުމަށް ވަނީ ނިންމާފައެވެ.