މިނިސްޓަރ އާދަމް ޝަރީފް އުމަރު

ލިބި އޮންނަ ބާރު އިތުރަށް ފުޅާކުރުމުގެ ވިސްނުމަކީ، ލާމަރުކަޒީ ނިޒާމު ހަރުދަނާކުރުމަށް އޮތް އެންމެ ބޮޑު ގޮންޖެހުން: މިނިސްޓަރ

އައިޝަތު ޝިއުރާ
28 Jul 2024
ހަބަރު

އަޅުގަނޑުމެންގެ ތެރޭގައި އަދިވެސް ލިބި އޮތް ބާރުގެ ޗާންސް އިތުރަށް ފުޅާކުރުގެ ވިސްނުން އަދިވެސް އޮތުމަކީ، ލާމަރުކަޒީ ނިޒާމު ހަރުދަނާކުރުމަށް އޮތް އެންމެ ބޮޑު ގޮންޖެހުން ކަމަށް ވަޒީރު އާދަމް ޝަރީފު ޢުމަރު ވިދާޅުވެއްޖެއެވެ. 

މިނިސްޓަރ މިހެން ވިދާޅުވީ ތުލުސްދޫ ލޯކަލް އޮތޯރިޓީ ކޮމްޕެނީއަށް އެއް އަހަރު ފުރުމާ ގުޅިގެން ރޭ ތުލުސްދޫ ބަނދަރު ސަރަޙައްދުގައި އޮތް ޖަލްސާ ޝަރަފުވެރިކޮށްދެއްވާ ދެއްކެވި ވާހަކަފުޅުގައެވެ.

"ލާމަރުކަޒީ ނިޒާމު ހަރުދަނާކުރުމަށް ބަލައި އިރު އަދިވެސް އެ ތައް ގޮންޖެހުންތަކެއް އެބަ ހުރި. އެންމެ ބޮޑު ގޮންޖެހުންކަމަށް، ޤަބޫލުކުރަންޖެހޭ އެންމެ ބޮޑު އެއް ޙަޤީޤަތަކީ ދިވެހިރާއްޖޭގައި މިއަދު ވެސް އެއްވެސް މީހަކު އެ މީހަކަށް ހަމަ ކިރިޔާ ވެސް ބާރުވެރި ކަމެއް އޮތިއްޔާ އެ ޗާންސް ބޮޑުކުރުމަށް ގެންގުޅޭ ވިސްނުން އަދިވެސް އޮތް ކަން" ވަޒީރު ވިދާޅުވިއެވެ.

ލާމަރުކަޒީ ނިޒާމުގެ ހަރުދަނާ ކުރުމާ ގުޅޭ ގޮތުން މި ޖަލްސާގައި ވަޒީރު ދެއްކެވި ވާހަކަފުޅުގައި، ރައްޔިތުންނަށް ބާރުވެރިވާން އޮންނަ ފުރުޞަތުތައް އޭގެ އެންމެ ފަހި ގޮތުގަ ދޫކޮށްލުމަށް އަޅުގަނޑުމެން އެންމެން ތައްޔާރުތޯ އައްސަވައި ވަނީ ސުވާލުމުރައްވާފައެވެ. އަދި ލާމަރުކަޒީ ނިޒާމު ހަރުދަނާކުރުމަށް ކުރެވޭ މަސައްކަތުގައި އެ މަނިކުފާނަށް ލިބިވަޑައިގަންނަވައި އެންމެ ބޮޑު ހިތްހަމަޖެހުމަކީ އަދުގެ ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުގެ ފަރާތްޕުޅުން ލިބިވަޑައިގަންނަވައި އެހީތެރިކަމާ، އެއްބާރުލެއްވުން ކަމަށް ވިދާޅުވިއެވެ.

މި އިޙުތިފާލުގައި ތުލުސްދޫ ލޯކަލް އޮތޯރިޓީ ކޮމްޕެނީގެ އައު ޙަރަކާތްތައް ވަނީ އިފްތިތާޙުކޮށްފައެވެ. އެ ކުންފުނީގެ އައު ޙަރަކާތްތައް އިފްތިތާޙުކޮށްދެއްވީ ރައްޔިތުންގެ މަޖިލީހުގެ ތުލުސްދޫ ދާއިރާގެ ޢިއްޒަތްތެރި މެންބަރ އިބްރާހީމް ނަސީމެވެ.

ކޮމެންޓް
އިތުރު ލިއުން
ށ. އަތޮޅުގެ މީހުން ދިރިއުޅޭ ރަށްރަށަށް ކުރެއްވި ދަތުރުފުޅު ނިންމަވާލެއްވުމަށްފަހު ރައީސުލްޖުމްހޫރިއްޔާ މާލެ ވަޑައިގަންނަވައިފި
މިލަދުންމަޑުލު އުތުރުބުރީގެ މީހުން ދިރިއުޅޭ ރަށްރަށަށް ކުރެއްވި ދަތުރުފުޅު ނިންމަވާލެއްވުމަށްފަހު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، މިއަދު މާލެ ވަޑައިގަންނަވައިފިއެވެ.
16 Oct 2025
ހަބަރު
ރައީސުލްޖުމްހޫރިއްޔާ، ށ. މަރޮށި ކައުންސިލާއި، އ.ތ.މ. ކޮމިޓީ އަދި ރަށުގެ ބައެއް މުއައްސަސާތަކުގެ އިސްވެރިންނާ ބައްދަލުކުރައްވައިފި
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ށ. މަރޮށި ކައުންސިލާއި، އ.ތ.މ. ކޮމިޓީ އަދި ރަށުގެ ބައެއް މުއައްސަސާތަކުގެ އިސްވެރިންނާ ބައްދަލުކުރައްވައި ރައްޔިތުންނަށް އެންމެ މުހިންމު ކަންކަމާ ގުޅޭގޮތުން މަޝްވަރާކުރައްވައިފިއެވެ. މި ބައްދަލުކުރެއްވުން ކުރިއަށްގެންދިޔައީ މަރޮށި މަދުރަސަތުލް މުނައްވަރާގެ އޮފީހުގައެވެ.
15 Oct 2025
ހަބަރު
ޤައުމަށް ފުދޭވަރަށް ދަނޑުވެރިކަން ފުޅާކުރެވޭނެކަމުގެ އުންމީދު އެބައޮތް: ރައީސުލްޖުމްހޫރިއްޔާ
ޤައުމަށް ފުދޭވަރަށް ދަނޑުވެރިކަން ފުޅާކޮށް، ފުޑް ސެކިއުރިޓީ ޤާއިމްކުރުމުގެ އުންމީދު އެބައޮތް ކަމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
15 Oct 2025
ހަބަރު
ސިނގިރޭޓުން ކުރި ވައްކަން: އާއްޓޭގެ ބަންދަށް 15 ދުވަސް، ދިގަލިގެ ބަންދަށް 10 ދުވަސް
ހުޅުމާލެ ބަނދަރުން އެތެރެކުރި ސިނގިރޭޓްގެ ދެ ކޮންޓެއިނަރެއް ވަގަށް ނެގި މައްސަލައިގެ ރިންގްލީޑަރުންގެ ގޮތުގައި ފުލުހުން ތުހުމަތުކުރާ ހަތަރު މީހުންގެ ތެރެއިން ދެ ވިޔަފާރިވެރިން ބަންދަށް ފޮނުވާލައިފިއެވެ.
15 Oct 2025
ހަބަރު