ފަލަސްތީނުގެ ޙައްޤުގައި ވަކާލާތު ކުރުމުގައި ދިވެހިރާއްޖޭން ކުރެވެން ހުރި ހުރިހާ ކަމެއް ކުރަމުންދާނެ - ޒަމީރު

އަލީ އަޒްލީފް
29 Jul 2024
ހަބަރު

ފަލަސްތީނުގެ ޙައްޤުގައި ވަކާލާތު ކުރުމުގައި ދިވެހިރާއްޖޭން ކުރެވެން ހުރި ހުރިހާ ކަމެއް ކުރަމުންދާ ކަމަށް ޚާރިޖީ ވަޒީރު މޫސާ ޒަމީރު ވިދާޅުވެއްޖެއެވެ.

ޕީ. އެސް. އެމް. 'ރާއްޖެ މިއަދު' ޕްރޮގްރާމްގައި ރޭ ވާހަކަފުޅު ދައްކަވަމުން ޚާރިޖީ ވަޒީރު ވިދާޅުވީ، ފަލަސްތީނާ ގުޅޭގޮތުން ރައީސުލްޖުމްހޫރިއްޔާ ޑރ. މުހައްމަދު މުއިއްޒު ގެންގުޅުއްވާ ސިޔާސަތަކީ، މިހާތަނަށް ރާއްޖޭގެ އެއްވެސް ރައީސަކު ގެންގުޅުއްވާފައިނުވާ ފަދަ ހަރުދަނާ ސިޔާސަތެއް ކަމަށެވެ.

މިނިސްޓަރ ޒަމީރު ވިދާޅުވި ގޮތުގައި، މި ސަރުކާރުގެ ފާއިތުވި އަށް މަސް ދުވަހުގެ ތެރޭގައި، ކުޑަ ތަންކޮޅެއް ވެސް ގޮތްދޫނުކޮށް، ކުޑަ ގައުމެއްގެ ގޮތުގައި ރާއްޖޭން ކުރެވުނު ހުރިހާ ކަމެއް ދަނީ ކުރަމުންނެވެ.

އެ ހިތްވަރުގެ ނަތީޖާ ވެސް ފެންނަމުންދާ ކަން ފާހަގަކުރައްވައި، ވަޒީރު ވިދާޅުވީ ދެކުނު އެފްރިކާ އާ ގުޅިގެން ރާއްޖޭން އިންޓަނޭޝަނަލް ކޯޓް އޮފް ޖަސްޓިސް (އައިސީޖޭ)އަށް ހުށަހެޅި މައްސަލައިގައި، އިޒްރޭލުގެ ނޭއްގާނީ އަމަލުތަކާ ދެކޮޅަށް އެ ކޯޓުން ހުކުމް ނެރުމަކީ ރައީސް މުއިއްޒު އިސްވެ ރާއްޖޭން ކުރަމުންދާ މަސައްކަތުގެ ނަތީޖާ ކަމަށެވެ.

ބައިނަލްއަގުވާމީ މައިދާނުގެ އިތުރުން، ދިވެހި ރައްޔިތުންނާއި ސަރުކާރުން ވެސް މާލީ ގޮތުން ރާއްޖެ ފަދަ ކުޑަ ގައުމަކަށް ވެދެވެން އޮތް ހުރިހާ އެހީތެރިކަމެއް ފޯރުކޮށްދެމުންދާ ކަން ވެސް މިނިސްޓަރ ޒަމީރު ފާހަގަކުރެއްވިއެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު