ވައިގެ މަގުން ރާއްޖެއަށް އެތެރުކުރަން އުޅުނު 15 ކިލޯ ޑްރަގު އަތުލައިގެންފި

އަލީ އަޒްލީފް
29 Jul 2024
ހަބަރު

ވައިގެ މަގުން ރާއްޖެއަށް އެތެރުކުރަން އުޅުނު 15 ކިލޯ ޑްރަގު މޯލްޑިވްސް ކަސްޓަމް ސާވިސްއިން އަތުލައިގަނެފިއެވެ.

ކަސްޓަމްސްގެ ސުޕްރިޑެންޓެންޑް މުހައްމަދު އަފްޒަލް ވިދާޅުވީ މަސްތުވާތަކެތި އަތުލައިގަނެފައިވަނީ ހޮނިހިރު ދުވަހު ރާއްޖެ އައި މެލޭޝިޔާ ފިރިހެނެއްގެ ލަގެޖް ބަލައިފާސް ކުރުމުގެ ތެރެއިން ކަމަށެވެ. އުމުރުން 44 އަހަރުގެ މި މީހާގެ ލަގެޖުން ފެނުނު ތަކެތި ކަސްޓަމްސްއިން ޓެސްޓް ކުރިއިރު، މަސްތުވާތަކެތީގެ ބާވަތެއް ކަމަށްވާ ކެނަބިސްއަށް ޕޮޒިޓިވްވެފައި ކަމަށް އަފްޒަލް ވިދާޅުވިއެވެ.

އަފްޒަލް ވިދާޅުވީ މި ތަކެތީގެ ބަރުދަނުގައި ޖުމްލަ 15.38 ކިލޯ ގްރާމް ހުރި ކަމަށާއި އަދި މި ތަކެތީގެ މަގުމަތީ އަގު ގާތްގަނޑަކަށް 12.3 މިލިއަން ދިވެހި ރުފިޔާއަށް އަރާނެ ކަމަށެވެ.

މެލޭޝިއާއަށް ނިސްބަތްވާ މިމީހާ ރާއްޖެއަށް ދަތުރުކުރި މަގު އޮޅުވާލަން މަސައްކަތް ކޮށްފައިވާ ކަމަށާއި ބަލައި ފާސްކުރުމުގެ ތެރޭގައި އޭނާގެ އަތުން ފޭކް ޓިކެޓެއް ފެނިފައިވާއިރު، ދުބާއީ މަގުން މިމީހާ ރާއްޖެ އައިސްފައި ވަނީ ބެންކޮކަށް ދަތުރު ކުރުމަށް ފަހުގައެވެ. މި މީހާގެ ދަތުރު ހަމަޖައްސާފައި ވަނީ މާލޭގައި މަޑުކުރުމަށް ފަހު އެނބުރި މެލޭޝިއާއަށްދާ ގޮތަށް އަފްޒަލް ވިދާޅުވިއެވެ.

މި މައްސަލައާ ގުޅުންހުރި މައުލޫމާތު ގައުމުތަކާއި ހިއްސާކޮށްފައިވާއިރު، މިހާތަނަށް ބެލި ބެލުމުން ހަތަރު ގައުމެއްގެ މީހުން މި ކަމުގައި ހަރަކާތްތެރިވެފައިވާ ކަމަށް އެނގިފައިވާ ކަމަށް މިއަދުގެ ބައްދަލުވުމުގައި ފާހަގަކޮށްފައިވެއެވެ. ދިވެއްސެއްގެ ބައިވެރިވުން މިކަމުގައި ހިމެނޭކަން މިހާތަނަށް އަދި ހޯދިފައި ނެތްއިރު، އެކަމާ މެދު އަދި ވަކި ގޮތެއް ކަމާ ގުޅުންހުރި އިދާރާތަކުން ނިންމާފައެއްނުވެއެވެ.

މިމައްސަލައާ ގުޅިގެން ކުރިއަށް ގެންދިޔަ ކޮންޓްރޯލް ޑެލިވަރީ އޮޕަރޭޝަނާ ގުޅޭގޮތުން މައުލޫމާތު ހިއްސާކުރައްވަމުން ޗީފް އިންސްޕެކްޓަރ އޮފް ޕޮލިސް އަޙްމަދު ވަހީދު ވިދާޅުވީ، މި އޮޕަރޭޝަންގައި ހައްޔަރު ކުރެވުނު މީހާ އާއި އަތުލައިގަނެފައިވާ ތަކެއްޗާއި ގުޅުންހުރި 41 އަހަރުގެ މެލޭޝިއާ އިތުރު ފިރިހެނަކު ހައްޔަރުކޮށްފައިވާ ކަމަށެވެ.

އެ ދެމީހުންގެ ބަންދާއިމެދު ގޮތެއް ނިންމުމައްޓަކައި ކްރިމިނަލްކޯޓަށް ހާޒިރުކުރުމުން ފަސް ދުވަހުގެ ބަންދުގެ މުއްދަތެއް ދީފައިވާ ކަމަށެވެ. އަދި މިމައްސަލައިގެ ތަހުގީގަށް މިހާތަނަށް ބެލިބެލުމުން މިމައްސަލައާ ގުޅުންހުރި ހަތަރު ގައުމެއްގެ މީހުން ފާހަގަކުރެވިފައިވާ ކަމަށާއި މި މައްސަލައިގެ މައުލޫމާތު އެގައުމުތަކާ ހިއްސާކޮށް، ބަލަންޖެހޭ ކަންކަން ބަލަމުންދާ ކަމަށް ވިދާޅުވިއެވެ.

މީގެއިތުރުން މަސްތުވާތަކެތީގެ މައްސަލަތަކާ ގުޅޭ ތަފާސް ހިސާބު ހިއްސާކުރައްވަމުން ޗީފް އިންސްޕެކްޓަރ އަޙްމަދު ވަހީދު ވިދާޅުވީ، މިއަަހަރުގެ މިހާތަނަށް މަސްތުވާތަކެތި ޓްރެފިކް ކުރުމުގެ 37 މައްސަލައެއް ދައުވާކުރުމަށް ޕީޖީ އޮފީހަށް ފޮނުވާފައިވާ ކަމަށާއި އެމައްސަލަތަކުގެ ތެރެއިން ދައުވާކުރުމަށް ކޯޓަށް ނުވަ މައްސަލައެއް ފޮނުވާފައިވާއިރު، އޭގެ ތެރެއިން އަށް މައްސަލާގައި ކުށް ސާބިތުވެފައިވާކަން ފާހަގަކުރެއްވިއެވެ.

މި އޮފަރޭޝަން ކުރިއަށް ގެންގޮސްފައި ވަނީ ކަސްޓަމްސް އާއި ފުލުހުންނާ ގުޅިގެންނެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު