އަމާޒަކީ ރޯމަސް އެކްސްޕޯޓުކުރުން އެއްކޮށް ހުއްޓާލުން: ޝިޔާމް

އަލީ އަޒްލީފް
29 Jul 2024
ހަބަރު

މި ސަރުކާރުގެ އަމަޒަކީ ރޯމަސް އެކްސްޕޯޓުކުރުން އެއްކޮށް ހުއްޓާލުން ކަމަށް މަސްވެރިކަމާއި ކަނޑުގެ ވަސީލަތްތަކާއި ބެހޭ ވަޒީރު އަހުމަދު ޝިޔާމް ވިދާޅުވެއްޖެއެވެ.

އެސްއެސްޓީވީގެ ބާރު ހަތަރެއް ޕްރޮގްރާމްގައި ވަޒީރު ޝިޔާމް ވިދާޅުވީ ރޯމަސް އެކަސްޕޯޓުކުރުމުގެ ބަދަލުގައި ދަޅުގައި މަސް ބަންދުކޮށްގެން އެކްސްޕޯޓުކުރުމުން ލިބޭ ނަފާ އިތުރުވެގެންދާނެ ކަމަށެވެ. އެގޮތުން ރާއްޖޭގައި ދަޅުމަސް ބަންދުކުރެވޭ ކެޕޭސިޓީ އިތުރުކުރުމަށްޓަކައި،ރާއްޖޭގައި ތިން ޕްރޮސެސިން ފެކްޓޮރީއެއް ގާއިމް ކުރުމަށް ޗައިނާގެ ކުންފުންޏަކާ އެކު މިހާރު މަސައްކަތް ކުރަމުން ދާކަން ވަޒީރު ފާހަގަކުރެއްވިއެވެ.

ވަޒީރު ވިދާޅުވީ، ފެލިވަރުގައި މިވަގުތު ޕްރޮސެސް ކުރަނީ 40 ޓަނުގެ މަސް ކަމަށާއި މި މަސައްކަތް ނިމުމުން މިފްކޯއަށް 100 ޓަނުގެ މަސް ޕްރޮސެސް ކުރެވޭނެ ކަމަށެވެ. މީގެ އިތުރުން ފ. ނިލަންދޫގައި 100 ޓަނުގެ ފެކްޓްރީއެއް އަދި ގދ. ފިޔޮރީގައި 100 ޓަނުގެ ފެކްޓީއެއް އެޅުމުގެ މަސައްކަތް ކުރާކަމަށް މިނިސްޓަރު ވިދާޅުވިއެވެ. އޭރުން ސަރުކާރުގެ އިސްނެގުމުގެ ތެރެއިން ޕްރޮސެސް ކުރެވޭ މަސް 300 ޓަނު އިތުރުކުރެވޭނެ ކަމަށް އޭނާ ވިދާޅުވިއެވެ.

"އޭގެ މާނައަކީ މިވަގުތު ސަރުކާރުގައި ހުރި 40 ޓަނުގެ ޕްރޮސެސިން ކެޕޭސިޓީއަށް އިތުރު 300 ޓަނު މި އިތުރު ކުރަނީ. އެހެންވީމަ އަޅުގަނޑުމެން މި ބަލަނީ ރާއްޖޭގެ ޕްރޮސެސިން ކެޕޭސިޓީ އެތައް ގުނައެއް އިތުރުވެގެން ދިޔައީމަ ގާތްގަނޑަކަށް މުޅި ރާއްޖޭން ބޭރުކުރާ މަސް އިރާދަކުރެއްވިއްޔާ ދަޅަށް އެޅޭނެކަމަށް އަޅުގަނޑުމެން މި ބަލަނީ،" އޭނަ ވިދާޅުވިއެވެ.

އެންސިސް އަދި ހޮރައިޒަން ހިމެނޭގޮތަށް ސަރުކާރުން އިތުރުކުރާ ކެޕޭސިޓީއާއެކު 81،000 ޓަނުގެ މަސް ޕްރޮސެސް ކުރެވޭނެ ކަމަށް ޝިޔަމް ވަނީ ލަފާކުރައްވާފައެވެ.

ވަޒީރު ވިދާޅުވީ ވިދާޅުވީ، ރާއްޖެއިން ބާނަނީ ގަތްގަނޑަކަށް 130،000 ޓަނުގެ މަސް ކަމަށެވެ. އެހެންކަމުން 81،000 ޓަނު ޕްރޮސެސްކޮށްގެން ބޭރުކުރުމުން މަހުން ލިބޭ އާމުދަނީ ދެގުނައަށްވުރެ ބޮޑަށް އިތުރުކުރެވޭނެ ކަމަށް ޝިޔާމް ވިދާޅުވިއެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު