ދިވެހިރާއްޖޭގެ ގުދުރަތީ މާހައުލުތަކާއި ވަސީލަތްތަކަކީ ޤައުމުގެ ތަރައްޤީއަށް ވަރަށް މުހިންމު އެއްޗެއްކަން ފާހަގަކޮށް، ހިމާޔަތްކޮށްފައިވާ ސަރަހައްދުތައް މެނޭޖްކޮށް ބެލެހެއްޓުމަށް ކައުންސިލްތަކަށް ތަމްރީނު ދިނުމުގެ ޕްރޮގްރާމެއް މިއަދު ފެށިއްޖެއެވެ.

ދިރާސާތަކުން ދައްކާ ގޮތުގައި ރާއްޖޭގެ ޖީޑީޕީގެ 89 އިންސައްތަ ހިއްސާވަނީ ގުދުރަތީ މާހައުލުތަކުން ލިބޭ އާމްދަނީއަށް ބިނާވެފައެވެ. މިގޮތުން ފަތުރުވެރިކަމާއި މަސްވެރިކަން ބިނާވެފައި އޮންނަނީ ގުދުރަތީ މާހައުލުތަކުގެ މައްޗަށާއި މި ސަރަހައްދުތަކުން ފެންނަ ދިރޭތަކެތީގެ ނަސްލުތަކުގެ މައްޗަށެވެ.

މިހާތަނަށް 91 ސަރަހައްދެއް ހިމާޔަތްކުރެވިފައިވާއިރު ބެލެހެއްޓެނީ 5 ސަރަހައްދެއްކަން ފާހަގަކުރެވެއެވެ. މިއަދު ބޭއްވުނު ތަމްރީނު ޕްރޮގްރާމަކީ ހިމާޔަތްކޮށްފައިވާ ސަރަހައްދުތައް މެނޭޖްކޮށް ބެލެހެއްޓުމަށް ކައުންސިލްތަކަށް ތަމްރީނު ދިނުމުގެ ގޮތުން ބޭއްވުނު ޕްރޮގްރާމެކެވެ.

މި ޕްރޮގްރާމުގެ މަޤްޞަދަކީ ކަރުދާހުން ހިމާޔަތްކޮށްފައިހުރި ސަރަހައްދުތަކަކީ މެނޭޖްކުރެވޭ ސަރަހައްދުތަކަކަށް ހެދުމަށް ކައުންސިލްތަކުގެ އެއްބާރުލުން ހޯދުމާއި، މިނިސްޓްރީއިން މިކަން ކުރާއިރު މެނޭޖްމަންޓް ޕްލޭން ހެދުމާ ބެހޭގޮތުން ކައުންސިލްތަކަށް ތަމްރީނު ދިނުމެވެ.

މި ތަމްރީނު ޕްރޮގްރާމަކީ ރާއްޖޭގެ ގުދުރަތީ މާހައުލު ހިމާޔަތްކޮށް، އިޤްތިޞާދީ ގޮތުން މުހިންމު މި ވަސީލަތްތައް ދެމެހެއްޓެނިވި ގޮތެއްގައި ބޭނުންކުރުމަށް އެޅޭ މުހިންމު ފިޔަވަޅެއްކަމަށް ބެލެވެއެވެ.

މިނިސްޓްރީ އޮފް އެންވަޔަރަންމަންޓް، އޯޝަން ކަންޓްރީ ޕާޓްނަރޝިޕް ޕްރޮގްރާމް އަދި އައިލަންޑް ވެޓްލެންޑްސް ގުޅިގެން މިއަދު ކައުންސިލްތަކަށް ޚާއްޞަކޮށްގެން ބޭއްވޭ ޓްރޭނިންގްއަކީ މި ތަމްރީނަކީ ދިވެހިރާއްޖޭގައި ހިމާޔަތްކުރެވިފައިވާ ސަރަހައްދުތަކުން ރައްޔިތުންނަށް އިޤްތިޞާދީ މަންފާ ލިބި، ދެމެހެއްޓެނިވި ގޮތަކަށް އެންމެ ރަނގަޅަށް ބެލެހެއްޓޭނެ ގޮތްތައް ދަސްކޮށްދިނުމަށް ބާއްވާ މުހިންމު ތަމްރީނެކެވެ.

ދިވެހިރާއްޖޭގައި މިހާރު 91 ސަރަހައްދެއް ހިމާޔަތްކުރެވިފައިވާއިރު، މި ސަރަހައްދުތައް އެންމެ ރަނގަޅު ގޮތުގައި ބެލެހެއްޓުމަށް ގިނަ ފަރާތްތަކެއްގެ އެއްބާރުލުން ބޭނުންވާކަން ފާހަގަކުރެވެއެވެ. މި ތަމްރީނާ އެކު އިފްތިތާހުކުރެވުނު ހިމާޔަތްކުރެވިފައިވާ ސަރަހައްދުތަކަށް ހެދިފައިވާ ޤައުމީ މެނޭޖްމަންޓް ޕްލޭން ގައިޑަންސް ޑޮކިއުމަންޓް އަދި ފްރޭމްވޯކްގެ ސަބަބުން، މި ސަރަހައްދުތައް ރަނގަޅަށް ބެލެހެއްޓި، ތިމާވެށި އިތުރަށް ހިމާޔަތްވެ، ދިވެހިރާއްޖޭގެ ގުދުރަތީ އަދި ސަގާފީ ތަރިކަ އަންނަން އޮތް ޖީލުތަކަށް ފޯރުކޮށްދިނުމަށް މަގުފަހިވެގެންދާނެއެވެ.

މިނިސްޓަރ ވިދާޅުވި ގޮތުގައި މި ތަމްރީނުގައި ބައިވެރިވާ ފަރާތްތަކަށް ހިމާޔަތްކޮށްފައިވާ ސަރަހައްދުތައް ދެމެހެއްޓެނިވި ގޮތަކަށް ރައްޔިތުންނަށް ބޭނުންކުރެވޭނެ ގޮތްތައް ދަސްވެ، އަންނަން އޮތް ޖީލުތަކަށް ދިވެހިރާއްޖޭގެ ގުދުރަތީ ގޮތުން މުއްސަނދި މާހައުލުތައް ފޯރުކޮށްދިނުމަށް މަގުފަހިވެގެންދާނެއެވެ. އަދި މި މުހިންމު މަސައްކަތުގައި ބައިވެރިވި އެންމެހައި ފަރާތްތަކަށް ޝުކުރު އަދާކުރެއްވިއެވެ.

ތިމާވެށި ރައްކާތެރިކުރުމަށް އިނގިރޭސިވިލާތުގެ އެހީތެރިކަމަށް މިނިސްޓަރު ޝުކުރު އަދާކުރައްވައިފި

މާލެ (ތަމްރީން) - މޯލްޑިވްސްގެ މެރިން ޕްރޮޓެކްޓެޑް އޭރިއާތައް ހިމާޔަތްކޮށް ބެލެހެއްޓުމަށް އިނގިރޭސިވިލާތުން ދެމުންގެންދާ އެހީތެރިކަމަށް މިނިސްޓަރ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީ ޠާރިޤު އިބްރާހިމް ޝުކުރު އަދާކުރައްވައިފިއެވެ.

މި މުހިންމު މަސައްކަތުގައި އިނގިރޭސިވިލާތުގެ ހައި ކޮމިޝަނަރ، ހަރ އެކްސެލެންސީ ކެރޮން ރޯސްލަރ އާއި، އިނގިރޭސި ސަރުކާރުގެ އޯޝަން ކަންޓްރީ ޕާޓްނަރޝިޕް ޕްރޮގްރާމް (އޯސީޕީޕީ) އަދި އައިލެންޑް ވެޓްލޭންޑްސްގެ އެހީތެރިކަން ފާހަގަކޮށް ޝުކުރު އަދާކުރެއްވެވިއެވެ.

މިނިސްޓަރު އިތުރަށް ވިދާޅުވީ، މި ޕްރޮގްރާމްތަކުގެ ދަށުން ރާއްޖޭގެ ތިމާވެށި ރައްކާތެރިކުރުމަށް ކުރެވޭ މަސައްކަތްތަކަކީ ވަރަށް މުހިންމު މަސައްކަތްތަކެއް ކަމަށާއި، މި މަސައްކަތްތަކުން ރާއްޖޭގެ މުހިންމު މެރިން ޕްރޮޓެކްޓެޑް އޭރިއާތައް ހިމާޔަތްކޮށް ބެލެހެއްޓުމަށް ބޮޑު އެހީތެރިކަމެއް ލިބިގެންދާނެ ކަމަށެވެ.

މި ރަސްމިއްޔާތުގައި އިނގިރޭސިވިލާތުގެ ހައި ކޮމިޝަނަރާއި އެހެނިހެން އިސް ބޭފުޅުން ބައިވެރިވެ ވަޑައިގެންނެވިއެވެ. އަދި ކުރިއަށް އޮތް ތަނުގައިވެސް މި ދާއިރާއިން ދެ ގައުމުގެ ގުޅުން އިތުރަށް ބަދަހިކުރުމަށް މަސައްކަތްކުރާނެ ކަމަށް ދެފަރާތުން އެއްބަސްވެވަޑައިގެންނެވިއެވެ.