ރާއްޖޭގެ އިންސާނީ ވަސީލަތް ތަރައްގީ ބކުރުމުގެ ސްކޮލާޝިޕް މަޝްރޫއަށް ޖަޕާނު ސަރުކާރުން 161 މިލިޔަން ޖަޕަނީސް ޔެން (ގާތްގަނޑަކަށް 1.02 މިލިޔަން އެމެރިކާ ޑޮލަރު) ހިލޭ އެހީގެ ގޮތުގައި ދީފި އެވެ. 

  ޖަޕާން ސަރުކާރުގެ ޕްރޮޖެކްޓް ފޯ ހިއުމަން ރިސޯސް ޑިވެލޮޕްމަންޓް ސްކޮލާޝިޕްގެ ދަށުން މި އަހަރަށް ދޭން ހަމަޖައްސާފައިވާ ހަ ސްކޮލާޝިޕްގެ ފުރުސަތު ދިނުމާއެކު ދިވެހި ސަރުކާރާއި ޖަޕާން ސަރުކާރާ ދެމެދު "އެކްސްޗޭންޖް އޮފް ނޯޓްސް" ގައި ވަނީ ސޮއި ކޮށްފިއެވެ.

މި އެއްބަސްވުމުގައި ދިވެހި ސަރުކާރުގެ ފަރާތުން އެއްބަސްވުމުގައި ސޮއި ކުރެއްވީ ފޮރިން މިނިސްޓަރު މޫސާ ޒަމީރެވެ. ޖަޕާން ސަރުކާރުން ސޮއި ކުރެއްވީ ޖަޕާން ސަފީރެވެ. 

ޖަޕާނުން 2020 އިން ފެށިގެން ދޭ މި އެހީގައި ޖަޕާނުގެ ޔުނިވާސިޓީތަކުގައި މާސްޓާސް ޑިގްރީއަށް ކިޔެވުމުގެ ފުރުސަތު ލިބޭނެ އެވެ.