"ޙާލު ކިހިނެއް؟" ޕްރޮގްރާމް އައްޑޫ ސިޓީގައި އިތުރަށް ފުޅާކޮށް ކުރިއަށް ގެންދިއުމަށް ސ. ފެމިލީ އެންޑް ޗިލްޑްރަން ސަރވިސް ސެންޓަރ (އެފް.ސީ.އެސް.ސީ) އަދި އައްޑޫ ސިޓީ އަންހެނުންގެ ތަރައްޤީއަށް މަސައްކަތްކުރާ (އ.ތ.މ) ކޮމިޓީއާއި ގުޅިގެން މަސައްކަތް ކުރުމަށްޓަކައި އައްޑޫ ސިޓީ އ.ތ.މ ކޮމިޓީގެ މެންބަރުންނާއި މަޝްވަރާކުރުމަށް މުހިންމު ބައްދަލުވުމެއް ބާއްވައިފިއެވެ.
ސ.އެފް.ސީ.އެސް.ސީ އިން ވަނީ މި ޕްރޮގްރާމް ގެންދާ ގޮތް އައްޑޫ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މެންބަރުންނާ ހިއްސާކޮށްފައެވެ.
މިގޮތުން އައްޑޫ އ.ތ.މ ކޮމިޓީއިން ވިދާޅުވީ ސަރުކާރުން މިފަދަ ޕްރޮގްރާމެއް ފެށުމަކީ ރައްޔިތުންގެ ހާލު ގާތުން ދެނެގަނެ، އެހީތެރިވުމަށް އެޅިގެން ދިޔަ މުހިންމު ފިޔަވަޅެއްކަމަށާއި، މި މަސައްކަތުގައި އެބޭފުޅުންގެ ފުރިހަމަ އެއްބާރުލުން ދެއްވާނެކަމަށެވެ.
މި ފެށޭ ހަފްތާގައި އައްޑޫ އ.ތ.މ ގެ މެންބަރުންނަށް ސ. އެފް.ސީ.އެސް.ސީގެ ފަރާތުން މި ޕްރޮގްރާމް ގެންދާ ގޮތުގެ ތަމްރީނެއް ދިނުމަށްވަނީ ހަމަޖެހިފައެވެ.
