ޖެންޑަރ މިނިސްޓްރީގެ ކުރީގެ ސްޓޭޓް މިނިސްޓަރ ޒިފްލީނާ ހަސަން -- ފޮޓޯ: މިހާރު

ޒިފްލީނާ ފްލެޓް ގަތް މައްސަލަ ބަލަން އޭސީސީއަށް ފޮނުވައިފި

އަލީ ޝާހީން
14 Jul 2024
ހަބަރު

ޖެންޑަރ މިނިސްޓްރީގެ ކުރީގެ ސްޓޭޓް މިނިސްޓަރ ޒިފްލީނާ ހަސަން ހުޅުމާލެ އިން ފްލެޓެތް ގަތް މައްސަލަ ބަލަން ފުލުހުން އެންޓި ކޮރަޕްޝަން ކޮމިޝަން (އޭސީސީ) އަށް ފޮނުވައިފިއެވެ.

ޖެންޑަރ މިނިސްޓްރީގެ ކުރީގެ ސްޓޭޓް މިނިސްޓަރ ޒިފްލީނާ ހަސަން ހުޅުމާލެ އިން ގަނެފައިވަނީ 3.5 މިލިއަން ރުފިޔާގެ ފްލެޓެކެވެ. ފުލުހުންގެ ތަރުޖަމާނު އަހްމަދު ޝިފާން ވިދާޅުވި ގޮތުގައި ޒިފްލީނާ ފްލެޓް ގަތް މައްސަލަ ފުލުހުންގެ ހިދުމަތުން އޭސީސީއަށް ހުށަހަޅައިފައިވެއެވެ. 

ޒިފްލީނާ ވަނީ ހައުސިން ޑިވެލޮޕްމަންޓު ކޯޕަރޭޝަން ލިމިޓެޑްގެ ނަމުގައި ރަޖިސްޓްރީކޮށްފައިވާ ހުޅުމާލޭ ބިމުގެ ނަންބަރ 10951 (އެފް ޑަބްލިޔު ރެސިޑެންސަސް - ހުޅުމާލެ) ފައިސާ ދައްކައި ޚަލާސް ކުރުމަށްފަހު އެ އިމާރާތުން ފްލެޓެއް ގަނެފައެވެ. އަދި އޭނާ މި ފްލެޓް ގަނެފައި ވަނީ 3،563،647.92 (ތިން މިލިޔަން ފަސްލައްކަ ފަސްދޮޅަސް ތިން ހާސް ހަސަތޭކަ ސާޅީސް ހަތެއް ރުފިޔާ ނުވަދިހަ ދޭއް ލާރި) ރުފިޔާއަށޤ ކަމަށްވެސް އެނގިފައިވެއެވެ. 

މި މައްސަލައިގައި ސިވިލް ކޯޓުންވެސް ހުކުމް ކޮށްފައިވެއެވެ. އެކޯޓުން ކުރި ހުކުމުގައިވަނީ އެބިމަށް ވާ އަގު ތިން މިލިޔަން ފަސްލައްކަ ފަސްދޮޅަސް ތިން ހާސް ހަސަތޭކަ ސާޅީސް ހަތް ރުފިޔާ ނުވަދިހަ ދެ ލާރި ޒިފްލީނާ ހަސަން ދައްކައި ޚަލާސްކޮށްފައިވާ ކަމަށް ވިއްކި ފަރާތާއި ގަންނަ ފަރާތުން ބުނާ ކަމަށެވެ.  އަދި އެ ގޯތީގެ އެއްމެދު އިމާރާތުގެ ފްލެޓް ރަޖިސްޓްރީ ނަންބަރ އ.އ.ހ-01/10-03/251 ގެ 1235.42 އަކަފޫޓުގެ ނަންބަރ 03-10 ފްލެޓް ހައުސިންގ ޑިވެލޮޕްމަންޓުން ހުށަހެޅި އަގު، ދައްކައި ޚަލާސްކޮށްފައިވާތީ 03-10 ނަންބަރު ފްލެޓް ސިވިލް ކޯޓުން މިވަނީ ޒިފްލީނާއަށް މިލްކުވެރިކޮށްދީފައިކަމަށެވެ. 

މީގެ އިތުރުން ޒިފްލީނާ ފޭސްބޫކް ގައި ކުރި ޕޯސްޓެއްގައި ބުނީ، އެ ފްލެޓަކީ އޭނާ ސްޓޭޓް މިނިސްޓަރެއްގެ މަޤާމަށް އައްޔަން ކުރުމުގެ ކުރިން ގަނެފައިވާ ފްލެޓެއް ކަމަށާއި އެ ފްލެޓް އެޗްޑީސީން ކުރަން ޖެހޭ އިދާރީ ކަންތައްކޮށް ނިމުމުން އެ ފްލެޓް އޭނާއަށް މިލްކުވީ އެތަނުގައި ދިރިއުޅެމުން އަންނަތާ 4 އަހަރު ފަހުން ކަމަށެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު