އަލިފާނުގެ ހާދިސާ ހިނގި ރެސްޓޯރެންޓް
ހުޅުމާލޭ ފޭސް އެކެއްގައި ހުންނަ ކޮފީ އެންޑް ކިޗަން ރެސްޓޯރެންޓްގައި މިއަދު އަލިފާނުގެ ހާދިސާއެއް ހިގައި އެކިވަރުގެ ގެއްލުންތައް ލިބިއްޖެއެވެ.
މި ހާދިސާ ހިނގާފައިވަނީ ނިރޮޅުމަގު 6 މަގުގައި ހުންނަ ކޮފީ އެންޑް ކިޗެން ނަމަކަށް ކިޔާ ރެސްޓޯރެންޓެއްގައެވެ. މި ރެސްޓޯރެންޓްގައި އަލިފާނުގެ ހާދިސާ ހިނގާފައިވަނީ ހެނދުނު 10:30 ހާއިރުކަމަށް މައުލޫމާތު ލިބެއެވެ.
މައުލޫމާތު ލިބޭ ގޮތުގައި އަލިފާން ހިފާފައިވަނީ އަވަނަކަށް ގުޅާފައިހުރި ގޭސް ފުޅިއެއްގައި ރޯވެގެންނެވެ. އަލިފާންގަނޑު ވަރަށްބޮޑަށް ހިފިއިރު، ރެސްޓޯރެންޓްގެ ބައެއް ތަކެއްޗަށް އެކިވަރުގެ ގެއްލުންތައް ލިބިފާކަމަށްވެސް މައުލޫމާތު ލިބެއެވެ.
އެމްއެންޑީއެފްގެ ފަރަޔ އެންޑް ރެސްކިއު ޓީމުން މިހާރުވެސް ދަނީ އެސަރަހައްދުގައި ހަރަކާތްތެރިވަމުންނެވެ. އަލިފާންގަނޑު ވަނީ ކޮންޓްރޯލްކޮށްފައެވެ.
