ދިރާސާކުރުމަކީ ތަރައްޤީއާއި ކުރިއެރުމުގެ ބިންގާ: ރައީސް

އަލީ އަޒްލީފް
19 Aug 2024
ހަބަރު

ދިރާސާކުރުމަކީ ތަރައްޤީއާއި ކުރިއެރުމުގެ ބިންގާކަމަށް ޢީސުލްޖުމުހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ، ދިވެހިރާއްޖޭގެ ޤައުމީ ޔުނިވާތސިޓީ (އެމްއެންޔޫ) އިން ބާއްވާ "ތެވެލި އިންޓަރނޭޝަލް ކޮންފެރެންސް 2024" ފެށުމުގެ ރަސްމިއްޔާތުގައި ދެއްކެވި ވާހަކަފުޅުގައެވެ.

މި ރަސްމިއްޔާތުގައި އެމަނިކުފާނު ވަނީ ކޮންފެރެންސްގައި ބައިވެރިވި ހުރިހާ ބޭފުޅުންނާއި، ތަފާތު އެވޯޑްތަށް ހާޞިލުކުރެއްވި ބޭފުޅުންނަށް މަރުޚަބާ ދަންނަވައި، އެބޭފުޅުން ކުރެއްވި ބުރަ މަސައްކަތާއި ހޯދި ކާމިޔާބީއަށް ތަޢުރީފުކުރައްވާފައެވެ.

އެމަނިކުފާނު ވިދާޅުވީ، އެބޭފުޅުންގެ ކިބާގައި ޢިލްމު އުގެނުމަށް ހުރި ޝައުގުވެރިކަމަކީ ހުރިހާ ދިވެހި ޒުވާނުން މިސާލު ނަގަން ޖެހޭ ކަމެއްކަމަށެވެ. މި ކޮންފެރެންސްގެ މަޤްސަދަކީ ދިވެހިރާއްޖޭއާއި ދުނިޔޭގެ އެކި ކަންކޮޅުތަކުގެ ވިސްނުންތޫނު، ޤާބިލް ބޭފުޅުން މި ކޮންފެރެސްގައި ބައިވެރިވަޑައިގަންނަވައި، އެތަށް އައު ކަންތައްތަކެއް ދަސްކުރުމާއި، އެމީހަކަށް ލިބިފައިވާ ޢިލްމެއް އަނެކުންނާ ޙިއްސާކޮށް، ކުރިއަރައި ދިޔުންކަށެވެ.

މިއަދުގެ މި ރަސްމިއްޔާތުގައި އަޅުގަނޑުމެން މި ފާހަގަކުރަނީ ދިވެހި ޤައުމާއި މުޖުތަމަޢުގެ ކުރިއެރުން ހޯދައިދިނުމަށް، ޢިލްމު އުނގެނުމާއި އުގަންނައި ދިނުމުގެ ޖޯޝް. އަދި ދިރާސާކުރުމަކީ ތަރައްޤީއާއި ކުރިއެރުމުގެ ބިންގާކަމަށް ވުމާއެކު، މޫސުމަށް އަންނަ ބަދަލުތަކާއި، ސިއްޙީ ދާއިރާ، ޓެކްނޮލޮޖީ ފަދަ ތަފާތު ދާއިރާތަކާއި ގުޅޭގޮތުން އުފެއްދުންތެރި ދިރާސާކޮށް، އެ ދާއިރާ ތަކުގައި ދިމާވާ މައްސަލަތަކަށް ޙައްލު ހޯދަން ޖެހޭ

ރައީސް މުއިއްޒު

އެމަނިކުފާނުގެ މި ވާހަކަފުޅުގައި، މިފަދަ ޢިލްމުން ފުރިގެންވާ ކޮންފެރެންސެއް އިންތިޒާމް ކޮއްދެއްވައި، ދިވެހިރާއްޖޭގައި މަތީ ތަޢުލީމު ކުރިއެރުމަށް އެމްއެންޔޫ އިން ކުރައްވާ އަގުހުރި މަސައްކަތްތަކަށް ޝުކުރު ޢަދާކުރައްވާފައިވެއެވެ.

ރައީސްގެ ވަހަކަފުޅުގައި އިތުރަށް ވިދާޅުވީ ދިވެހިރާޢްޖޭގައި ދިރާސާކުރުން ކުރިއެރުވުމަށް ދިވެހި ދަޢުލަތުގެ އެހީއާއި އެއްބާރުލުން ދެއްވާނެކަމަށާއި، މީގެ އިތުރުން، މަތީ ތަޢުލީމު ފޯރުކޮއްދޭ މަރުކަޒުތަކާއި، ޕްރައިވެޓް ސެކްޓަރގައި މަސައްކަތްކުރައްވާ ބޭފުޅުންނާއި ބޭރުގެ ފަރާތްތަކުގެ އެއްބާރުލުން ބޭނުންވާނެކަމަށް ވެސް ރައީސް ވިދާޅުވިއެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު