ފޮރިންގ އިންވެސްޓްމަންޓް ބިލު މަޖިލީހަށް ހުށަހަޅައިފި

އަލީ އަޒްލީފް
13 Aug 2024
ހަބަރު

ދިވެހިރާއްޖެއަށް ބޭރުގެ އިންވެސްޓްމަންޓް އިތުރުކޮށް، އެފަދަ އިންވެސްޓަރުންނަށް ބޭނުންވާ ޙިމާޔަތާއި ރައްކާތެރިކަން ކަށަވަރުކޮށްދޭ ފޮރިން އިންވެސްޓްމަންޓުގެ ބިލު މަޖިލީހަށް ހުށަހަޅައިފިއެވެ. 

ހިތަދޫ މެދު ދާއިރާގެ މެންބަރު އަޙްމަދު އަޒާން ވަނީ 12 އޯގަސްޓް 2024 ގައި ރައްޔިތުންގެ މަޖިލީހަށް ފޮރިންގ އިންވެސްޓްމަންޓް ބިލު ހުށަހަޅުއްވައިފައެވެ. މި ބިލަކީ ރައިސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ދިވެހިރާއްޖެއަށް ބޭރުގެ އިންވެސްޓްމަންޓް އިތުރުކޮށް، އެފަދަ އިންވެސްޓަރުންނަށް ބޭނުންވާ ޙިމާޔަތާއި ރައްކާތެރިކަން ކަށަވަރުކޮށްދިނުމަށް ކުރައްވާ މަސައްކަތުގެ ތެރެއިން ހުށަހެޅުނު ބިލެކެވެ.

މި ބިލުގެ މައިގަނޑު މަޤްޞަދަކީ، ބޭރުގެ އިންވެސްޓަރުން ދިވެހިރާއްޖޭގައި އިންވެސްޓްކުރުމަށް ޝައުޤުވެރިކަން އުފައްދައި ދެމެހެއްޓުމަށްޓަކައި، ބައިނަލްއަޤްވާމީ މައިދާނުގައި އިންވެސްޓްމަންޓް ޕްރޮމޯޓްކުރުމުގައި ޢަމަލުކުރާނެ އުސޫލުތަކާއި، އިންވެސްޓްކުރެވޭނެ ދާއިރާތަކާއި އެ ދާއިރާތަކުގައި އިންވެސްޓްކުރެވޭނެ ޝަރުޠުތަކާއި، އިންވެސްޓް ކުރާ ބޭރުގެ ފަރާތްތަކަށް އިންވެސްޓްކުރުމުގެ ހުއްދަ ދިނުމުގެ އުސޫލުތަކާއި ޝަރުޠުތަކާއި، އިންވެސްޓަރުންގެ ޒިންމާއާއި އެ ފަރާތްތަކަށް ލިބިދެވޭނެ ޙިމާޔަތާއި ރައްކާތެރިކަމުގެ ދާއިރާ ކަނޑައެޅުމާއި ޤާނޫނާ ޚިލާފުވާ ފަރާތްތަކާމެދު ފިޔަވަޅު އެޅުމުގެ އުސޫލުތައް އަދި ދިވެހިރާއްޖެއިން ބައިވެރިވާ އިންވެސްޓްމަންޓާ ގުޅޭ މުޢާހަދާތަކާއި މިނިވަން ވިޔަފާރީގެ އެއްބަސްވުންތަކުގެ ދަށުން އުފުލަންޖެހޭ އިލްތިޒާމުތަކަށް ޢަމަލުކުރެވޭނެ އުސޫލުތައް ކަނޑައެޅުމެވެ.

މި ބިލު ވެގެންދާނީ، ބޭރުގެ އިންވެސްޓަރުންގެ އިތުބާރު އިތުރުވެ، އިންވެސްޓަރުންނަށް ދިވެހިރާއްޖޭގައި ވިޔަފާރި ކުރުމަށް ފަސޭހަ އަދި ފަހި މާހައުލެއް ޤާއިމުވެ، ދިވެހިރާއްޖޭގައި ކުރެވޭ ބޭރުގެ އިންވެސްޓްމަންޓްތައް އިތުރުވެ، އެ އިންވެސްޓްމަންޓްތައް މެދުވެރިކޮށް ދިވެހިރާއްޖެއަށް ފޮރިން ކެޕިޓަލާއި، ޓެކްނޯލޮޖީއާއި، ޢިލްމާއި ހުނަރު ގެނައުމަށް ފަހި މާޙައުލެއް އުފެދި، ދިވެހިރާއްޖޭގެ އިޤްތިޞާދު ތަރައްޤީކުރުމަށްޓަކައި އެޅިގެންދާ މުހިންމު ފިޔަވަޅަކަށެވެ.

ދިވެހިރާއްޖޭގައި މިހާރު ޢަމަލުކުރަމުންދާ ފޮރިންގ އިންވެސްޓްމަންޓާބެހޭ ޤާނޫނަކީ 1979 ވަނަ އަހަރު ވުޖޫދަށް އައި ޤާނޫނެކެވެ. މި ޤާނޫނަށް ޢަމަލުކުރަން ފެށިތާ 45 އަހަރު ވެފައިވާއިރު، ޒަމާނަށް ފެތޭ ގޮތަށް ބޭރުގެ އިންވެސްޓަރުންގެ އިންވެސްޓްމަންޓްތަކާއި، އެފަރާތްތަކުގެ ވިޔަފާރިތައް ޙިމާޔަތްކޮށް ފޮރިންގ އިންވެސްޓްމަންޓްތަކާއި ގުޅިގެން ޢަމަލުކުރަންޖެހޭ އުޞޫލުތަކާއި ޢިޖުރާއަތުތައް ސާފުކޮށް ޤާނޫނުގައި ބަޔާންކޮށް، މިހާތަނަށް މި ޤާނޫނަށް އެއްވެސް އިޞްލާޙެއް ގެނެވިފައެއް ނުވެއެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު