ސްރީލަންކާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު ރަންގާ ގޫނަވަރްދެނައާއި ވަޒީރު ޑރ ޢާއިޝަތު ޝިހާމް ބައްދަލުކުރައްވައިފިއެވެ.

މި ބައްދަލުވުމުގައި ވަރީރު ޑރ ޢާއިޝަތު ޝިހާމްގެ އިތުރުން، ޑެޕިއުޓީ މިނިސްޓަރ އައިމިނަތު ނަމްޒާ އަދި ޕްރޮގްރާމް އޮފިސަރ އައިޝަތު ސާހާ ސޮބާހް ވަނީ ބައިވެރިވެވަޑައިގެންފައެވެ.

މި ބައްދަލުވުމުގައި އިޖުތިމާޢީ ރައްކާތެރިކަމުގެ ދާއިރާއިން ދެޤައުމުން ގުޅިގެން ކުރެވިދާނެ މަސައްކަތްތަކާމެދު މަޝްވަރާކުރެވުނެވެ.

އެއާއެކު، ކުރިއަށް އޮތް ތަނުގައި ގުޅިގެން ކުރެވިދާނެ މަސައްކަތްތަކާމެދު މަޝްވަރާކޮށް، އިތުރަށް އެހީތެރިކަން ބޭނުންވާ ކަންކަމާމެދު މަޝްވަރާކުރެވިފައިވެއެވެ.