ހުޅުމާލެއިން ވަގުތީ ގޮތުން އުޅަނދު ޕާކުކުރުމަށް ހަމަޖެއްސި ބިމާއި މިނިސްޓްރީ އިން ހަވާލުވެވަޑައިގެންފި

އަލީ އަޒްލީފް
22 Aug 2024
ހަބަރު

ހުޅުމާލެއިން ވަގުތީ ގޮތުން އުޅަނދު ޕާކުކުރުމަށް ހަމަޖެއްސި ބިމާއި މިނިސްޓްރީ އިން ހަވާލުވެވަޑައިގެންފިއެވެ.

މި މިނިސްޓްރީގެ ފަރާތުން ބިމާއި ހަވާލުވެވަޑައިގެންފައި ވަނީ މިނިސްޓަރ މުހައްމަދު އަމީންއެވެ. ހައުސިންގ ޑިވެލޮޕްމެންޓް ކޯޕަރޭޝަންގެ ފަރާތުން ބިން ހަވާލުކޮށްދެއްވީ އެ ކުންފުނީގެ މެނޭޖިންގ ޑިރެކްޓަރ އިބްރާހިމް ފަޒުލް ރަޝީދެވެ. 

މި ބިމަކީ މާލެ އޭރިއާގައި ރަޖިސްޓްރީނުކޮށް މަގުމަތީގައި ބަހައްޓާފައިހުރި އުޅަނދުތަކާއި މާލެ އަދި ހުޅުމާލެ މަގުތަކުގައި ހުރި އެހެން ޒޯންތަކަށް ރަޖިސްޓްރީކޮށްފައިވާ އުޅަނދުތައް ބެހެއްޓުމަށް ހަމަޖައްސާފައިވާ ބިމެކެވެ. މި ބިމުގެ ބޮޑުމިނަކީ 42،132.05 އަކަފޫޓެވެ. މި ބިމުގައި އުޅަނދު ބަހައްޓާ ފަރާތްތަކަށް އުޅަނދުގެ ރަޖިސްޓްރޭޝަން ޕްރޮސެސް ފުރިހަމަކުރުން ނުވަތަ ރަޖިސްޓްރީ ކޮށްފައިވާ ޒޯނަކަށް އެ އުޅަނދެއް 6 މަސްދުވަހުގެ ތެރޭގައި ގެންދަންޖެހޭނެއެވެ.           

މި ބިމުގައި އުޅަނދު ބަހައްޓާނެ ގޮތުގެ އުޞޫލާއި ބިން ހުޅުވާލާނެ ތާރީޚް މިނިސްޓްރީން ވަރަށް އަވަހަށް އިއުލާން ކުރާނެއެވެ. މިއީ މާލެފަހި ޕްރޮގްރާމްގެ ދަށުން ގްރޭޓަރ މާލެ ސަރަހައްދުގެ މަގުތަކުގެ ތޮއްޖެހުން ކުޑަކުރުމުގެ ގޮތުން ހިންގޭ މަސައްކަތެކެވެ. މި މަސައްކަތުގެ ސަބަބުން މާލެ އަދި ހުޅުމާލޭގެ މަގުތަކުގައި ޕާކުކޮށްފައި ހުންނަ އުޅަނދުތަކުގެ އަދަދު މަދުވެ، މަގުތަކުގެ ތޮއްޖެހުން ކުޑަވެގެންދާނެއެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު