ކެނދިކޮޅުދޫ ކައުންސިލުން މިއަދު މިނިސްޓްރީ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓާއި ބައްދަލުކޮއްފިއެވެ.
މިއަދު ބޭއްވި މި ބައްދަލުވުމުގައި، ކެނދިކޮޅުދޫގެ ޒުވާނުންގެ ހުނަރު ތަރައްޤީކުރުމަށް މިހާރު ކުރިއަށް ގެންދާ 'ޖޫނިއަރ ކޮލެޖް' ޕްރޮޖެކްޓާއި ޒުވާނުން ތަމްރީނުކުރުމަށް އެންމެ މުޙިއްމު ދާއިރާތަކުގެ އިތުރުން ދިވެހިރާއްޖޭގެ ކުރިއެރުމަށް ބޭނުންވާ ޒުވާނުން ބިނާކުރުމަށް މިނިސްޓްރީ އޮފް ހަޔަރ އެޑިޔުކޭޝަނާއި ކެނދިކޮޅުދޫ ކައުންސިލް އިން ގުޅިގެން ކުރެވެން ހުރި މަސައްކަތްތަކާއި ގުޅޭގޮތުން މަޝްވަރާކުރައްވާފައިވެއެވެ. މި ބައްދަލުވުމުގައި، މިނިސްޓްރީ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓްގެ ފަރާތުން ސްޓޭޓް މިނިސްޓަރ، އަޙްމަދު ޝަފީއު، ޕްރޮޖެކްޓް މެނޭޖަރ، އަޙްމަދު ހިލާލް އަދި ޑައިރެކްޓަރ ޖެނެރަލް، ފާތިމަތު ޝިފްޒާ ހުސައިނެވެ. އަދި ކެނދިކޮޅުދޫ ކައުންސިލްގެ ފަރާތުން އެކައުންސިލްގެ ބައެއް އިސްބޭފުޅުން ވެސް ވަނީ މި ބައްދަލުވުމުގައި ބައިވެރިވެވަޑައިގަންނަވާފައެވެ.
މިނިސްޓްރީ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓް އަކީ އަތޮޅު ތެރޭގައި މަތީ ތަޢުލީމު ފުޅާކުރުމާއި، ޒުވާނުން ގެ ހުނަރު ތަރައްޤީކުރުމަށް އެކި ރަށްރަށުގެ ކައުންސިލްތަކާއި ޖަމިއްޔާ ޖަމާޢަތްތަކާއި ގުޅިގެން އެތަށް ޕްރޮޖެކްޓްތަކެއް ކުރިއަށް ގެންދާ ވުޒާރާއެކެވެ.
