މިނިސްޓަރ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީ ޠާރިޤު އިބްރާހީމް ވަނީ ފުވައްމުލަކުސިޓީއަށް ކުރައްވާ ރަސްމީ ދަތުރުފުޅުގައި ފުވައްމުލަކުސިޓީ ކައުންސިލާއި މިއަދު ބައްދަލުކުރައްވާފައެވެ.
މި ބައްދަލު ވުމުގައި ފުވައްމުލަކުސިޓީ ކައުންސިލްގެ މެޔަރު، އާއި ކައުންސިލްގެ މެންބަރުންވެސް ވަނީ ބައިވެރިވެ ވަޑައިގަންނަވާފައެވެ.
މި ބައްދަލުވުމުގައި ފުވައްމުލަކުސިޓީ ކަރަންޓުގެ ހާލަތާއި ބެހޭގޮތުންނާއި ކުނި މެނޭޖުކުރުމުގެ ކަންތަކުގެ އަދާހަމަ ހިއްސާކުރެވި މަޝްވަރާ ކުރެވިގެންދިޔައެވެ. އެގޮތުން ރަށުގައި ގޮނޑުދޮށް ހިމާޔަތް ކުރާނެ ގޮތްތަކާއި ގުޅޭގޮތުން މަޝްވަރާކުރެވުނެވެ.
ރަށުގެ ތަރައްޤީއަށާ އަދި އިޖުތިމާއީ އެކިއެކި މަސައްކަތްތައްކުރުމުގައި ސިޓީ ކައުންސިލް ގެ ރޯލް ވަރަށް ބޮޑަށް ރަށަށް ލިބިގެންދާކަން ފާހަގަކުރެވުނެވެ. އަދި ރަށަށް ދިމާވާ ކޮންމެކަމެއްގައި ސިޓީކައުންސިލްގެ ގެ ފުރިހަމަ އެހީތެރިކަމާއި އެއްބާރުލުން ލިބޭކަން ފާހަގަކުރެވުނެވެ. މިބައްދަލުވުން ބޭއްވުނީ ފުވައްމުލަކުސިޓީ ކައުންސިލްގެ އިދާރާގައެވެ.
