ފުވައްމުލަކަށް މިހާރު ކުރައްވަމުން ގެންދަވާ ދަތުރުފުޅުގައި ފުވައްމުލަކުގެ އެންވާރަމެންޓް މިނިސްޓްރީއާ ގުޅޭ މުހިންމު ތަންތަނަށް މިނިސްޓަރު ޠާރިޤު އިބްރާހިމް ޒިޔާރަތް ކުރައްވައިފި އެވެ.
މި ދަތުރުފުޅުގައި މިނިސްޓަރު ވަނީ ފުވައްމުލަކު ނޭޗާ ޕާކަށާއި ފެނަކައަށާއި ފުވައްމުލަކު ގޮޑުދޮށް ހިމާޔަތް ކުރުމުގެ މަޝްރޫ ކުރިއަށްދާ ސަރަހައްދަށް ވަޑައިގެންފަ އެވެ.
މި ދަތުރުފުޅުގައި މިނިސްޓަރު ޠާރިޤުގެ އިތުރުން މިނިސްޓްރީގެ އިސްވެރިންވެސް ބައިވެރިވެ ވަޑައިގަންނަވައެވެ. މި ދަތުރުފުޅުގެ މަޤްޞަދަކީ ފުވައްމުލަކު ސިޓީގައި ހިނގަމުންދާ ތިމާވެށި ރައްކާތެރިކުރުމާއި މޫސުމަށް އަންނަ ބަދަލުތަކާ ގުޅުންހުރި މަޝްރޫޢުތަކުގެ މަސައްކަތް ބައްލަވާލެއްވުމާއި، އަދި އެ ސިޓީގެ ރައްޔިތުންނާ ބައްދަލުކުރެއްވުމެވެ. މިނިސްޓަރު ތޯރިގް ވަނީ މި ދަތުރުފުޅުގައި އެންމެ އިސްކަން ދެއްވާނީ އެ ވުޒާރާގެ މެންޑޭޓުގެ ދަށުގައިވާ ވެމްކޯ އަދި ފެނަކައަށް ދިމާވެފައިވާ ދަތިތައް ދެނެގަނެ، އެކަންކަމަށް ޙައްލު ހޯދައިދެއްވުމަށްކަމަށެވެ.
އެގޮތުން ފުވައްމުލަށް ފެނަކަ ބްރާންޗަށް ޒިޔާރަތްކޮށް ތޯރިގު ވަނީ ފުވައްމުލަކުގައި ހުރި ފެނަކައިގެ އެކި ވަސީލަތްތައް ބައްލަވާލައްވާފައެވެ.
