ރާއްޖެއިން ބޭރު ކުރަން އުޅުނު ޑޮލަރު

ރާއްޖެއިން ބޭރު ކުރަން އުޅުނު 81،000 އަށްވުރެ ގިނަ ޑޮލަރު އަތުލައިގެންފި

އަލީ ޝާހީން
25 Aug 2024
ހަބަރު

ވެލާނާ އިންޓަރނޭޝަނަލް އެއާޕޯޓުން ގަވައިދާ ހިލާފަށް ލައްކައެއްހާ ޑޮލަރު ހިފައިގެން ބަންގްލަދޭޝްއަށް ފުރަން އުޅުނު އެޤައުމަށް ނިސްބަތްވާ މީހަކު އޭވިއޭޝަން ކޮމާންޑުން ހުއްޓުވައިފިއެވެ.

އޭވިއޭޝަން ސެކިއުރިޓީ ކޮމާންޑުން އެކްސްގައި ކުރި ޕޯސްޓެއްގައި ބުނެފައިވަނީ، މިއަދު ޑާކާއަށް ފުރަން އުޅުނު ބަންގްލަދޭޝް ރައްޔިތެއްގެ އަތުން ގަވާއިދާ ޚިލާފަށް ރާއްޖެއިން ބޭރުކުރަން އުޅުނު 81,030 އެމެރިކާ ޑޮލަރު އަތުލައިގަނެފައިވާކަމަށެވެ. މިއީ ދިވެހި ރުފިޔާއިން ބަލާނަމަ ގާތްގަނޑަކަށް 1.2 މިލިއަން ރުފިޔާއެވެ. 

މި މީހާ ފުރަން ހަމަޖެހިފައި އޮތީ ބަންގާޅަށް ނިސްބަތްވާ ބަންގްލާ އެއާލައިން ފްލައިޓް ނަންބަރު BS338 ފްލައިޓުންނެވެ.

ޑޮލަރުތައް ހުރިކަން އެނގުނީ އެމީހާގެ ފޮށި ބަލައި ފާސްކުރުމުގެ ތެރޭގައެވެ. މި ފައިސާ އޭނާ ވަނީ ފޮށިތެރޭގައި ނުފެންނާނެހެން ވަރަށް ރަނގަޅަށް ރައްކާކޮށްފައެވެ.

ބަންގާޅަށް ނިސްބަތްވާ މީހަކު ގަވައިދާ ހިލާފަށް ގިނަ އަދަދެއްގެ ޑޮލަރުތައް ރާއްޖެއިން ބޭރުކުރަނިކޮށް އަތުލައިގަނެފައިމިވަނީ ގަވައިދާ ހިލާފަށް އުޅެމުންދާ ބިދޭސީން ހޯދުމަށް އިމިގްރޭޝަނުން ސަރުކާރުގެ މުއައްސަސާތަކާ ގުޅިގެން ހާއްސަ އޮޕަރޭޝަނެއް ފަށާފައިވަނިކޮށްކަން ފާހަގަކޮށްލެވެއެވެ. މި ހާތަނަށް ހިންގުނު އޮޕަރޭޝަންތަކުގައި ވަރަށް ފުޅާދާއިރާއެއްގައި ގަވައިދާ ހިލާފަށް ވިޔަފާރިކުރަމުންދިޔަ ބިދޭސީން ވަނީ އަތުލައިގަނެފައެވެ. މީގެ ތެރޭގައި ބަންގްލަދޭޝް އަދި ނޭޕާލަށް ނިސްބަތްވާ މީހުން ހިމެނެއެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު