ގަވަރުނަރު އަލީ ހާޝިމް

ގަވަރުނަރު މިއަދުވެސް ކޮމިޓީއަށް ހާޒިރުނުވޭ

އައިޝަތު ޝިއުރާ
16 Jul 2024
ހަބަރު

އެމްއެމްއޭގެ ގަވަރުނަރު އަލީ ހާޝިމް މަގާމުން ވަކިކުރަން ރައީސުލްޖުމްހޫރިއްޔާ ޑރ މުހައްމަދު މުއިއްޒަށް ލަފާއެރުވުމަށް އެމައްސަލަ ފަށަން ތާވަލުކޮށްފައި އޮތް މާލިއްޔަތު ކޮމިޓީގެ މިއަދުގެ ބައްދަލުވުމަށްވެސް ވަޑައިނުގެންނެވޭކަން އަންގަވައިފިއެވެ.

ކޮމިޓީގެ އިއްޔެގެ ބައްދަލުވުމަށްވެސް އާލާސްކަންފުޅާ އުޅުއްވާތީ ގަވަރުނަރު ވަޑައިނުގަންނަވައެވެ. އެހެންކަމުން މިއަދު 11 ޖަހާއިރު މާލިއްޔަތު ކޮމިޓީގެ ބައްދަލުވުން ބޭއްވުމަށް ތާވަލުކުރިއެވެ. މިއަދުގެ ކޮމިޓީ ބައްދަލުވުމުގައި ކޮމިޓީގެ މުގައްރިރު މާމިގިލި ދާއިރާގެ މެމްބަރ ގާސިމް އިބްރާހީމް ވިދާޅުވީ މިއަދުގެ ބައްދަލުވުމަށްވެސް ވަޑައިނުގެންނެވޭނެކަން ގަވަރުނަރު އަންގަވާފައިވާކަމަށެވެ. ދެ ދުވަހުގެ ލީވެއްގައި ގަވަރުނަރު ހުންނެވިކަމަށް އަންގަވާފައިވާކަމަށް ގާސިމް ވިދާޅުވިއެވެ.

އެހެންކަމުން ގާސިމް ހުށަހެޅުއްވީ މާދަމާ އަށް ކޮމިޓީ ބައްދަލުވުމެއް އެޖެންޑާކުރުމަށްފަހު އަނެއްކާވެސް ދައުވަތު އެރުވުމަށެވެ. އެހުށަހެޅުއްވުން ކޮމިޓީގެ އިއްތިފާގުން ވަނީ ފާސްކޮށްފައެވެ.

ގާސިމް ވިދާޅުވީ މާދަމާގެ ބައްދަލުވުމަށް ގަވަރުނަރު ވަޑައިގެންނެވިއަސް ނުގެންނެވިއަސް ގަވަރުނަރުކަމުގެ މަގާމުން ހާޝިމް ވަކިކުރުމުގެ މައްސަލައިގެ ރިޕޯޓާމެދު މާދަމާ ގޮތެއް ނިންމަވާނެކަމަށެވެ.

ގަވަރުނަރުކަމުން ހާޝިމް ވަކިކުރަން ރައީސް ޑރ މުއިއްޒަށް ލަފާދިނުމަށް މާލިއްޔަތު ކޮމިޓީން ވަނީ މީގެކުރިން ފާސްކޮށްފައެވެ.

ގަވަރުނަރުކަމުގެ މަގާމުން ހާޝިމް ވަކިކުރަން ހުށަހެޅުއްވީ މަޖިލީހުގެ ނައިބު ރައީސް އަހުމަދު ނާޒިމްއެވެ.

ހާޝިމް މަގާމުން ވަކިކުރަން ނާޒިމް ހުށަހެޅުއްވީ ގައުމުގެ އިގްތިސާދު ހީނަރުވެ އަލުން އަނބުރާ އިޔާދަކުރަން އުނދަގޫ ހިސާބަކަށް ގައުމުގެ އިގްތިސާދު ނިކަމެތިވެގެންދިޔައިރު އެމްއެމްއޭގެ ގާނޫނުގައި ބަޔާންކުރާ މަގްސަދުތައް ހާސިލުކުރެވިފައިނެތްކަމަށް ވިދާޅުވެއެވެ. އެމްއެމްއޭގެ މައިގަނޑު އެއް އަސާސްކަމުގައިވާ މަނިޓަރީ ޕޮލިސީ އޭގެ އެންމެ އެކަށޭނެ ގޮތުގައި ކުރިޔަށްދާތަން ފެންނާކަށް ނެތްކަމަށް ނާޒިމް ވިދާޅުވިއެވެ.

އެތުހުމަތުތަކަށް ގަވަރުނަރު ވަނީ އިއްޔެ ރައްދުދެއްވާފައެވެ. އެގޮތުން ރާއްޖެ އިގުތިސާދީ ކާރިސާއަކަށް ދިޔަ ނުދިނުމަށްޓަކައި މަރުކަޒީ ބޭންކު، އެމްއެމްއޭ އާއި އެހެން ބައިނަލްއަގްވާމީ މާލީ އިދާރާތަކުން ދެމުންދިޔަ އިރުޝާދުތަކާއި ލަފާތަކަށް ވޭތުވެދިޔަ އަހަރުތަކުގައި ސަރުކާރުން އަހަމިއްޔަތުކަން ދީފައި ނުވާ ކަމަށް ހާޝިމް ވިދާޅުވިއެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު