ކުޑަކުއްޖެއްގެ ގައިގާ ޖަހައި މާރާމާރީ ހިންގި މައްސަލައަކާއި ގުޅިގެން  އުމުރުން 25އ ގެ އަންހެނަކު ފުލުސް އޮފީހަށް ހާޒިރުވާން އިއުލާން ކޮށްފިއެވެ.

އެގޮތުން ފުލުހުން، ފުލުސް އޮފީހަށް ހާޒިރުވާން އަންގާފައިވަނީ ގދ. ގައްދޫ / ދިލާވަރުގެ، ޝަފުރާ ޢަބްދުالله އާދަމް، އައިޑީ ކާޑު ނަންބަރު: A252138، (25އ) އެވެ.

ފުލުހުން ބުނީ އޭނާ އަކީ، ގދ. ގައްދޫ ޕޮލިސް ސްޓޭޝަނުން ތަހުގީގު ކުރަމުންދާ، ކުޑަކުއްޖެއްގެ ގައިގާ ޖަހައި މާރާމާރީ ހިންގި މައްސަލައެއްގެ ތަހުގީގަށް މީހަކު ހާޒިރުކުރުމަށް ބޭނުންވާ މީހެއް ކަމަށެވެ.

ނަމަވެސް އޭނާ އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ، ޖިނާއީ މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައިވާ ގޮތުގެމަތިން ތަހުގީގަށް ހާޒިރުވުމަށް ވަނީ އަންގާފައެވެ.

އޭނާ ހާޒިރު ކުރަނީ މައްސަލައިގެ ތުހުމަތުގައި ތަހުގީގަށް ސުވާލުކުރުމަށް ކަމަށްވެސް ބުންޏެވެ.

އެހެންކަމުން، ސާޖަންޓް އާދަމް ހަލީމް ކްރިމިނަލް އިންވެސްޓިގޭޝަން ބިލްޑިންގ ނުވަތަ ގދ. ގައްދޫ ޕޮލިސް ސްޓޭޝަނަށް 2024 ސެޕްޓެމްބަރު 2 ވަނަ ދުވަހުގެ 10:00 އަށް އައުމަށް އޭނާއަށް ވަނީ އަންގާފައެވެ.