ފުލުސް އޮފީސް - ފޮޓޯ: ގޫގުލް
ފިހާރައެއްގައި ބަނގުރާވިއްކި އިންޑިއާއަށް ނިސްބަތްވާ ދެ މީހެއްގެ އަތުން ވަގު ޑޮލަރުތަކެއް ފެނިއްޖެއެވެ.
މި މައްސަލައާ ގުޅިގެން ހައްޔަރުކޮށްފައި ވަނީ 43އ، އަދި 24އ،ގެ ފިރިހެެނެކެވެ. މި ދެ މީހުންގެ މައްޗަށްވެސް ކުރަނީ ބަނގުރާ ގެންގުޅުނު ކަމުގެ ތުހުމަތެވެ.
މި ދެ މީހުންނާއި ގުޅޭ ކްރިމިނަލް ކޯޓުގެ ބަންދު އަމުރުގައި ބުނެފައި ވަނީ މާލޭގެ ފިހާރައެއްގައި ބަނގުރާ ވިއްކާ ކަމަށް ޕޮލިސް ކޮމާންޑް ސެންޓަަރަށް ދިން މައުލުމާތަކާއި ގުޅިގެން ވެރިފަރާތުގެ ހުއްދައާއެކު ފުލުހުން އެ ފިހާރަ ބަލައި ފާސް ކުރުމުން ގުދަނުން ގިނަ އަދަދެއްގެ ބަނގުރާ އަދި ފައިސާ ފެނިފައިވާއިރު، ވަގުތު ޑޮލަރުވެސް ފެނިފައިވާ ކަަމަށް ސީނަށް ދިޔަ ފުލުހުންގެ ބަޔާނުގައިވާ ކަމަށެވެ.
މި ދެ މީހުންނަކީވެސް އިމިގްރޭޝަންގެ ގާނޫނާއި ހިލާފަށް އުޅޭ ދެ މީހުން ކަމަށްވާއިރު، ދެ މީހުންގެ މައްޗަށް ކުރެވޭ ތުހުމަތަށް ވަނީ އިއުތިރާފްވެފައެވެ. އަދި މިކަން ކުރަނީ ވެރިންނަށް ނޭނގި ކަމަށްވެސް ބުނެފައި ވެއެވެ.
ކޯޓުން ވަނީ މި ދެ މީހުންގެ ބަންދަށް 15 ދުވަސް ޖަހައިފައެވެ
