އެމްޓީސީސީގެ މަޝްރޫޢުތައް ކުރިޔަށްގެންދާނެ ގޮތާއި ގުޅޭގޮތުން މަޝްވަރާކޮށްފި

އައިޝަތު ޝިއުރާ
26 Aug 2024
ހަބަރު

މިނިސްޓަރ އޮފް ސްޓޭޓް އިބްރާހިމް ޡާއަމް މުޙައްމަދު، ޑެޕިއުޓީ މިނިސްޓަރ އަލީ ސަލީމް އަދި ޓެކްނިކަލް ޓީމުން އެމްޓީސީސީގެ އާ މެނޭޖިންގ ޑިރެކްޓަރ އަޙްމަދު ސައުދީ އާއި ބައްދަލުކުރައްވައިފިއެވެ.

މިނިސްޓްރީ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރ ގައި ބޭއްވުނު މި ބައްދަލުވުމަކީ އެމްޓީސީސީގެ އައު މެނޭޖިންގ ޑިރެކްޓަރ އަޙްމަދު ސައުދީ މަޤާމާ ހަވާލުވެވަޑައިގަތުމާއި ގުޅިގެން ބޭއްވުނު ރަސްމީ ތަޢާރަފު ބައްދަލުވުމެކެވެ. ބައްދަލުވުމުގައި މިނިސްޓަރ އޮފް ސްޓޭޓް އިބްރާހިމް ޡާއަމް މުޙައްމަދު އަދި ޑެޕިއުޓީ މިނިސްޓަރ އަލީ ސަލީމް ވަނީ ބައިވެރިވެވަޑައިގެން އައު މެނޭޖިންގް ޑިރެކްޓަރަށް މަރުހަބާ ދަންނަވާފައެވެ.

ބައްދަލުވުމުގައި އެމްޓީސީސީގެ ފަރާތުން އެކުންފުނީގެ 2 ޑެޕިއުޓީ މެނޭޖިންގް ޑިރެކްޓަރ މުޙައްމަދު ޖަމްޝީދު އަދި ހަސަން މުޣްނީގެ އިތުރުން ކުންފުނީގެ އިސްވެރިންވެސް ވަނީ ބައިވެރިވެވަޑައިގެންފައެވެ. މި ބައްދަލުވުމުގައި މައިގަނޑު ގޮތެއްގައި އިތުރަށް މަޝްވަރާކުރެވުނީ އެމްޓީސީސީއާ ހަވާލުކޮށްފައިވާ މަޝްރޫޢުތަކުގެ މަސައްކަތް ކުރިއަށްދާ ގޮތާއި މުސްތަޤްބަލްގައި އާ މެނޭޖްމަންޓްގެ ދަށުން ޕްރޮޖެކްޓްތައް ހިންގުމަށް އަންނާނެ ބަދަލުތަކާއި ގުޅޭގޮތުންނާއި، މިވަގުތު ހިނގަމުންދާ މަޝްރޫއުތަކުގެ ދުވެލި އިތުރަށް ހަލުވި ކުރުމަށް ކުރެވެންހުރިކަންކަމާއި މިފަދަ މަސައްކަތްތައް ހިންގުމުގައި ކުންފުންޏަށް ދިމާވާ ޓެކްނިކަލް ގޮންޖެހުންތަކާއި އެފަދަ ކަންކަން ދެނެގަނެ ޕޮލިސީ ލެވެލްގައި ހައްލުކުރުމަށް ކުރެވިދާނެ ކަންކަމާ ގުޅޭގޮތުންނެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު