މެނޭޖްމަންޓް ސްޓްރެޓެޖީ އިވެލުއޭޝަން ތަމްރީން ޕްރޮގްރާމް ފަށައިފި

އަލީ އަޒްލީފް
26 Aug 2024
ހަބަރު

ދިވެހިރާއްޖެއާއި އިންޑިއަން އޯޝަން ޓޫނާ ކޮމިޝަންއާއި ގުޅިގެން، އިންޑިއާ ކަނޑުގެ އައްސޭރިފަށުގެ ގައުމުތަކުގެ މެދުގައި މަސްވެރިކަން ރާވާ، ހިންގައި، ބެލެހެއްޓުމުގައި ސައިންސްގެ ދައުރު އިތުރަށް ފުޅާކުރުމާއި އަދި ބެލެހެއްޓުމުގައި އަޅާ ފިޔަވަޅުތަކާއި ބެހޭ ގޮތުން އެއްބަސްވާއިރު އަމަލުކުރާނެ ގޮތްތަކާއި ބެހޭ މެނޭޖްމަންޓް ސްޓްރެޓެޖީ އިވެލުއޭޝަން ތަމްރީން ޕްރޮގްރާމް މިއަދު ބަޑޮސް މޯލްޑިވްސްގައި ފެށިއްޖެއެވެ.

މިތަމްރީން ޕްރޮގްރާމް އިފްތިތާޙް ކޮށްދެއްވީ މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސްގެ ޕާމަނަންޓް ސެކްރެޓަރީ ޑރ. އާމިނަތު ޝާފިއާއެވެ.

ޑރ. ޝާފިއާގެ ވާހަކަފުޅުގައި މިތަމްރީން ޕްރޮގްރާމްގެ މުހިއްމުކަމާއި އަދި އިންޑިއާ ކަނޑުގައި ކުރެވޭ މަސްވެރިކަން ރާވާ، ހިންގައި، ބެލެހެއްޓުމަށް އަޅާ ފިޔަވަޅުތަކުގައި އައްސޭރިފަށުގެ ގައުމުތަކުގެ ބައިވެރިވުން އިތުރުކުރުމުގެ މުހިއްމުކަމުގެ މައްޗަށް އަލިއަޅުއްވާލެއްވިއެވެ. މިފަދަ ތަމްރީން ޕްރޮގްރާމްތައް ބޭއްވުމަކީ އައްސޭރި ފަށުގެ ގައުމުތައް ބާރުވެރިކުރުމުގައި އިސް ދައުރެއް އަދާކުރާނެ ކަމަށް އުއްމީދުކުރައްވާ ކަމަށްވެސް ޑރ. ޝާފިއާ ވިދާޅުވިއެވެ.

މި ތަމްރީން ޕްރޮގްރާމްގައި އިންޑިއާ ކަނޑުގެ އައްސޭރިފަށުގެ 16 ގައުމަކުން 36 މަންދޫބުން ބައިވެރިވެވަޑައިގަންނަވައެވެ. މިއީ ވޯރލްޑް ބޭންކްގެ އެހީގެ ދަށުން ހިންގާ ޓްރާންސްފޯރމް ޕްރޮޖެކްޓްގެ އެހީގައި ބާއްވާ ތަމްރީން ޕްރޮގްރާމްއެކެވެ.

ތިން ދުވަހުގެ މުއްދަތައް ބާއްވާ މިތަމްރީން ޕްރޮގްރާމްގައި ފަންނީ މާހިރުންގެ ގޮތުގައި ބައިވެރިވެވަޑައިގަންނަވަނީ ސައުތު ޕެސިފިކްގެ ސައިންޓިސްޓުންނާއި އިންޑިއަން އޯޝަން ޓޫނާ ކޮމިޝަންގެ ސައިންޓިފިކް ކޮމެޓީގެ ޗެއަރ އަދި އެކި ކޮމެޓީތަކުގެ އެންމެ ފުންނާބު އުސް ސައިންޓިސްޓުންނެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު