ރައީސް މުއިއްޒު ބައިވެރިވެ ވަޑައިގެންނެވި ޕީއެންސީ ޖަލްސާ— ވަގުތު އިމޭޖަސް

އިނާޔަތްތަކަށް ބަދަލުގެންނަން ޖެހިދާނެ - ފަލާޙް

އަލީ ޝާހީން
27 Aug 2024
ހަބަރު

އިނާޔަތްތަކަށް ބަދަލުގެންނަން ޖެހިދާނެ ކަމަށް ސަރުކާރު ހިންގާ ޕީއެންސީގެ ޕީޖީ ގުރޫޕްގެ ލީޑަރު އިބްރާހިމް ފަލާހު ވިދާޅުވެއްޖެއެވެ. 

ކުރީގެ ރައީސުންނަށް ދައުލަތުން ދެމުންދާ އިނާޔަތްތަކަށް ބަދަލު ގެންނަން ޖެހިދާނެ ކަމުގެ އިންޒާރެއް ރައްޔިތުންގެ މަޖިލީހުގެ މެޖޯރިޓީ ލީޑަރު އަދި ސަރުކާރު ހިންގާ ޕީއެންސީގެ ޕީޖީ ގުރޫޕްގެ ލީޑަރު އިބްރާހިމް ފަލާހު ދެއްވައިފިއެވެ. މި އިންޒާރު އޭނާ ދެއްވީ ޕީއެންސީގެ ހަރުގޭގައި ރޭ ބޭއްވުނު ޖަލްސާއެއްގައި ވާހަކަދައްކަވަމުންނެވެ.

ފަލާހުގެ ވާހަކަފުޅުގައި ޚާއްޞަ އަމާޒެއް ހިފާފައިވަނީ ކުރީގެ ދެ ރައީސުން ކަމަށްވާ ރައީސް އަބްދުﷲ ޔާމީނާއި ރައީސް މުހައްމަދު ނަޝީދަށެވެ. އޭނާ ފާހަގަކުރެއްވި ގޮތުގައި، މި ދެ ރައީސުން ދައުލަތުގެ ޚަރަދު ކުޑަކުރަން ޖެހޭ ކަމަށް ވިދާޅުވެފައިވާއިރު، އެ ބޭފުޅުންނަށް ދައުލަތުން ކުރާ ޚަރަދުތައް ކުޑަކުރުމުގެ ވާހަކަ ދައްކަވަން ޖެހޭނެއެވެ.

ފަލާހު ވަނީ ޚާއްޞަކޮށް ރައީސް ނަޝީދަށް އަމާޒުކޮށް، މިހާރުވެސް ރާއްޖެއިން ބޭރުގައި ވަޒީފާއެއްގައި ހުންނެވީ ކުރީގެ ރައީސުންގެ އިނާޔަތާއި ސެކިއުރިޓީ ވެސް ނަންގަވައިގެން ކަމަށް ފާހަގަކުރައްވާފައެވެ. އަދި މިކަމަށް އަހަރަކު ހަތަރު ނުވަތަ ފަސް މިލިއަން ރުފިޔާ ޚަރަދުވާ ކަމަށް ވިދާޅުވިއެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު