އދ ދިއްދޫ - ފޮޓޯ: ގޫގުލް

ދިއްދޫ ކައުންސިލުގެ 2022 ވަނަ އަހަރުގެ އޮޑިޓަށް ފޭކު ބެންކު ސްޓޭޓްމަންޓެއް ހުށަހަޅައިފި

އަލީ ޝާހީން
27 Aug 2024
ހަބަރު

އދ. ދިއްދޫ ކައުންސިލުގެ 2022 ވަނަ އަހަރުގެ އޮޑިޓަށް އެ ކައުންސިލުން ފޯޖުކޮށްފައިވާ ފޭކު ބެންކު ސްޓޭޓްމަންޓެއް ހުށަހަޅައިފިއެވެ.

އޮޑިޓް އޮފީހުން އާންމުކުރި ރިޕޯޓްގައި ބުނާގޮތުން ދިއްދޫ ކައުންސިލުގެ އައިޓީ އެންޑް ފައިނޭންޝިއަލް ކޮންސަލްޓަންޓް ކައުންސިލް އިދާރާގެ ބޭންކް ސްޓޭޓްމަންޓު ފޯޖުކޮށް އޮޑިޓަށް ހުށަހަޅާފައި ވަނީ ފޭކު ސްޓޭޓްމަންޓެއް ކަމަށެވެ.

އެގޮތުން ކައުންސިލްގެ އިދާރާގެ ތިޖޫރީގައި 3 އޮގަސްޓު 2022 ވަނަ ދުވަހު ހުރި ފައިސާގެ ތެރެއިން 5،500 ރުފިޔާ އެ އިދާރާގައި މަސައްކަތްކުރަމުންދާ އައިޓީ އެންޑް ފައިނޭންޝިއަލް ކޮންސަލްޓަންޓާއި ހަވާލުކޮށްފައިވީ ނަމަވެސް މި ފައިސާ ކައުންސިލް އިދާރާގެ ބޭންކް އެކައުންޓަށް ޖަމާކޮށްފައި ނުވާ ކަން އޮޑިޓުން ވަނީ ފާހަގަވެފައެވެ. އަދި އެ ފައިސާ ބެންކު އެކައުންޓަށް ޖަމާކުރިކަން އެ އިދާރާގެ ބޭންކު ސްޓޭޓްމަންޓުން އެނގެން ނެތް ކަމަށް އޮޑިޓް ރިޕޯޓުގައި ބުނެފައިވެއެވެ.

މި ކަމާއި ގުޅިގެން އެފަރާތާއި ސުވާލުކުރުމުން 17 ޖުލައި 2023 ވަނަ ދުވަހު އަމިއްލަ ފަރާތަކުން އިދާރާގެ ބެންކު އެކައުންޓަށް ޖަމާކުރި 25،000 ރުފިޔާގެ ތެރޭގައި އެ 5،500 ރުފިޔާ ހިމެނޭ ކަމަށާއި ދެން އެ ހިމެނެނީ އިދާރާއަށް ކުލީގެ ގޮތުގައި ލިބުނު 19،500 ރުފިޔާ ކަމަށް އެ ކައުންސިލުގެ އައިޓީ އެންޑް ފައިނޭންޝިއަލް ކޮންސަލްޓަންޓް ވަނީ ބުނެފައެވެ. ނަމަވެސް އޮޑިޓަރުން އިތުރަށް ބެލިބެލުމުން މި 25،000 ރުފިޔާއަކީ އެ އިދާރާއަށް ލިބިފައިވާ އެހީކަން އޮޑިޓަށް ވަނީ ފާހަގަކުރެވިފައެވެ.

އޮޑިޓަށް މިކަން ފާހަގަކުރެވުމުން މި 5،500 ރުފިޔާ އޮޅިގެން އޭނާގެ އަމިއްލަ އެކައުންޓަށް ޖަމާކުރެވުނު ކަމަށާއި އެ ފައިސާ އަނބުރާ ރައްދުކޮށްދޭނެ ކަމަށް އޭނާ ވަނީ 11 ނޮވެމްބަރު 2023 ވަނަ ދުވަހު ބޭއްވި ކައުންސިލް ބައްދަލުވުމެއްގައި އެއްބަސްވެފައެވެ.

އޮޑިޓް ރިޕޯޓުގައި ބުނާގޮތުން އިދާރާގެ ބެންކު އެކައުންޓަށް ފައިސާ ޖަމާކުރި ކަމަށް ބުނެ 13ނޮވެމްބަރު 2023 ވަނަ ދުވަހު އެފަރާތުން އޮޑިޓަށް ބެންކު ސްޓޭޓްމަންޓެއް ހުށަހަޅާފައިވާއިރު، މި ސްޓޭޓްމަންޓުގައި އެންމެ ފުރަތަމަ އެއިދާރާގެ އޮޑިޓަށް ހޯދި ސްޓޭޓްމަންޓުގައި ނެތް 19 ޖުލައި 2023 ގައި ޖަމާކޮށްފައިވާ އިތުރު 25،000 ރުފިޔާ ހުއްޓެވެ. އެހެންކަމުން އެ ފަރާތުން އޮޑިޓަށް ހުށަހެޅި ބެންކު ސްޓޭޓްމަންޓަކީ އޮޅުވާލުމުގެ ގޮތުން އަމިއްލައަށް ފޯޖޮކޮށް އޮޑިޓަށް ހުށަހަޅާފައިވާ ސްޓޭޓްމަންޓެއް ކަމަށް އޮޑިޓް އޮފީހުން ބުނެފައި ވެއެވެ..

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު