ރާއްޖޭގައި ހަށިވިއްކި ކަމުގެ މައްސަލައިގައި ޑީޕޯޓް ކޮށްފައިވާ ބިދޭސީން
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދިޔަ 3 ބިދޭސީ އަންހެނަކު ޑީޕޯޓް ކޮށްލައިފިއެވެ.
މޯލްޑިވްސް އިމިގްރޭޝަން އިން ހާމަކުރެއްވި ގޮތުގައި މި މީހުން އަތުލައިގެންފައިވަނީ މޯލްޑިވްސް ޕޮލޮސް ސާވިސްގެ އިންޓެލިޖެންސް އަށް ލިބުނު މައުލޫމާތަކާއި ގުޅިގެން 11 އޮގަސްޓް ވަނަ ދުވަހު ހިންގި ހާއްސަ އިންސްޕެކްޝަނެއްގައެވެ.
އެގޮތުން މި ވިޔަފާރީގައި ޝާމިލްވި ބިދޭސީ 3 އަންހެނުންނާއި އެމީހުންގެ އެޖެންޓްގެ ގޮތުގައި މަސައްކަތް ކުރަމުންދިޔަ ބިދޭސީ ފިރިހެނަކު އިމިގްރޭޝަންގެ ބެލުމުގެ ދަށައްގެންގޮސް ތަހުގީގު ކުރުމަށްފަހު ރާއްޖެ އަނބުރާ ނާދެވޭގޮތަށް އެމީހުން ޑީޕޯޓްކޮށްލާފައިވެއެވެ.
ހަށިވިއްކުމުގެ މައްސަލައިގައި ހައްޔަރުކޮށް ޑީޕޯޓް ކޮށްފައިވަނީ އުމުރުން 41، 38، 36 ގެ އިތުރުން އެމީހުންގެ އޭޖެންޓުގެ ގޮތުގައި މަސައްކަތް ކުރި 35 އަހަރުގެ މީހެކެވެ.
