ރައީސް ޑރ. މުޙައްމަދު މުއިއްޒު ހިމެނޭހެން ސަރުކާރުގެ ވެރިން ބީއެމްއެލްގެ ނިންމުމާ ގުޅޭގޮތުން ދެއްކި ވާހަކަފުޅުތަކަކީ މާލީ ނިޒާމު އެއްކޮށް ފުނޑޭވަރުގެ ވާހަކަފުޅުތަކެއް ކަމަށް އިދިކޮޅު އެމްޑީޕީގެ ޗެއާޕާސަން ފައްޔާޒު އިސްމާއިލް މިއަދު ވިދާޅުވެއްޖެއެވެ.

ފައްޔާޒު ވިދާޅުވީ، ޑޮލަރު ލިމިޓް މައްސަލައިގައި އާދިއްތަ ދުވަހު ބޭންކް އޮފް މޯލްޑިވްސް (ބީއެމްއެލް)ގެ ޑިރެކްޓަރުންގެ ބޯޑުން ނިންމި ނިންމުން އާންމުކުރި ވަގުތާއި، އެމްޑީޕީން ބޭއްވި ނޫސްވެރިންގެ ބައްދަލުވުމަކީ ރާވައިގެން ކުރި ކަމެއްކަމަށް ބުނާނެ އެއްވެސް ޖާގައެއް ނެތްކަމަށެވެ.

ސަބަބަކަށް އޭނާ ފާހަގަކުރެއްވީ އެމްޑީޕީގެ ނޫސްވެރިންގެ ބައްދަލުވުމަކީ މާ ދުރާލައި އިޝްތިހާރުކޮށް، އޮންނާނެކަން އަންގައިގެން ތައްޔާރުވެގެން ބޭއްވި ބައްދަލުވުމަކަށް ވާތީކަމަށް އޭނާ ވިދާޅުވިއެވެ.

ބީއެމްއެލްގެ ނިންމުމާ ގުޅޭގޮތުން ދެއްކި ވާހަކަފުޅުތަކަކީ މާލީ ނިޒާމު އެއްކޮށް ފުނޑޭވަރުގެ ވާހަކަފުޅުތަކެއް ކަމަށް ފާހަގަކޮށް ފައްޔާޒު ވިދާޅުވީ 

މީގެ އިތުރުން މިއީ ބީއެމްއެލާ މެދު ބައިނަލްއަގުވާމީ އިދާރާތަކާއި ބޭންކުތަކުން ކުރާ އިތުބާރު ގެއްލޭނެ ކަމެއްކަން ފައްޔާޒު  ފާހަގަކުރައްވާފައިވެއެވެ.